Raportora NYyê ji bo Dayikên Şemîyê bang li rayedaran kir!

Raportora Mafê Mirovan a Netewên Yekbûyî Mary Lawlorê ji bo Dayikên Şemîyê ji hesabê xwe yê Twîtterê peyamek belavkir.

Lawlorê got, “Bibîranîna xizmên windayan ne sûc e. Ya sûc wendakirina mirovan e.”

Raportora Mafê Mirovan a Netewên Yekbûyî daxwaz kir ku doza di derbarê Dayikên Şemîyê da hatine vekirin bên betal kirin.

Çi Bûbû?

Dayikên Şemîyê di 30ê Tebaxê Roja Wendakirinên Bi Darê Zorê ya Netewêyî da xwestibûn daxuyanîyek bidin.

Daxuyanîya wan hatibû astengkirin û ji aliyê polîsan ve hatibûn desteserkirin. Doza di derbarê wan da hatiye vekirin dê îro bê dîtin.