Sala 2001ê şair Berken Berehî kovareka bi navê Kulîna Kulîlkan weşandibû. Çar jimarên kovarê hatine weşandin lê Botan Timesê karî bi tenê jimara çarem peyda bike. Li ser daxwaza Berken Berehî me kovar di arşîvên dîjîtal de dît û ji nû ve weşand. Heger hûn lînkan bitikînin hûn ê halê orjînal ê 2001ê weşandî bibînin.
Em hêvî dikin hûn jimarên dî jî peyda bikin.
| KULÎNA KULÎLKAN Kovara vêjeyî û çandî |
Sal : 1 Hejmar : 4 Pûşper : 2001
| Rênas Jîyan : Hebhinarkê Arjen Arî : Yarê , Mişmişkê Remezan Alan : Berzah Çiya Mazî : Tu neyê jî ez li wir im Ayten Çaçan : Peyvên xwêhdayî İ. Seydo Aydoğan :Wêneyê Dinyayê yê dawîyê Roşan Lezgin : Xozî Bîyê Zaf Evdilla Koçer : Axxx çivîkê ! Cihan Roj : Helbestên Rûçikî , Axa ez digivaştim Mem Bawer : Şeş Dîmenên Gerdûnê Kawa Nemir : Weberhênana Kulan Dilawer Zeraq : Ma Tu Din î ! , Çavên Lûtke ! Adar Jiyan : Lêkolîn Yaqob Tilermenî : Dinyaya Berîberdan Berken Bereh : Xewarî Serhat Hemdem : Kerem Ke , Xela Qediya Yeqîn Şemreqî : Îrfan Amîda : Kulên Kulekên Kul , Dîmenên Derizî Bamed Serdar : Çepik |
Pêşgotina ji bo ji nû ve weşandina Kulîna Kulîlkan:
Dîtina Kovara Kulîna Kulîlkan
Roja 24ê sermawezê, piştî bernameya xwe ya li fuara pirtûkan ya Ruhayê, bi rojnameger Murat Bayram re em vegeriyan Amedê û lê bû me mêvan.
Me bang li İnan Eroğlu kir ku were û em bi hev re şevbêrka xwe çêbikin. Piştî ku hat û me dest bi axaftina xwe kir, di navberê de ewî mijar anî ser kovara internetê ya bi navê “Kulîna Kulîlkan” ku yekem kovara internetî bû li bakur û min çap û belav dikir.
Min got ku ew kovar malpera Fortunecity yê qade bi belaşî dabû min û min ew li wê de rê dizayn dikir û nivîs û lê bar dikirin. Lê mixabin ew ji mêj ve ye ku ez lê rast nayêm û nimûneya wan jî li cem min nîn e.
Bi vê gotina min, Murat Bayram ku ji van kar û baran gelek fêm dike û jîr e, hema yekser di komputera xwe de hewl da û dest bi xebatê kir. Deh deqe şûnde xwe gihande kovarê û hejmara 4an daxist ser komputera xwe. Bêguman em ku bi heyecan li bendê bûn me nezanî çawa kêxweşiya xwe vebêjin.
Belê, Murat Bayram kovara “Kulîna Kulîlkan” ku bi salan e min saloxên wê nedigirt va li ber min û İnal bû. İnal bi kêxweşî çav lê gerand û 18 kesên ku bi nivîs û şi’ra xwe tê de bi cih bibûn yek bi yek bi rêz kir. Dema dor hat ser Remezan Alan bi “ooo”yekê şaşwazî û kêfxweşiya xwe anî ziman.
Helbet şevbêrka me bi giştî li ser vê mijarê û bi pesindana Murat derbas bû. Mixabin nekarî xwe bigihîne her sê hejmaran lê, got ku dê hewl bide ku wan jî derêxe ber ronahiyê.
Ev e link û hejmara çar ya kovara KULÎNA KULÎLKAN
Spas û malavayî bo Murat Bayram
– Berken Bereh
