Lijneya Şêwirê ya Amedsporê di 20ê Sibata 2026ê de ji bo nirxandina neheqiyên li ser klûbê civîneka berfireh pêk aniye. Lijneyê di daxuyaniya xwe de weha gotiye ku ew ê li dijî her cûre bêhiqûqiyê xebatên xwe bidomînin.
Şaşiyên hakeman û qedexeyên stadê
Lijneyê destnîşan kiriye ku şaşiyên hakeman nayên qebûlkirin û ji bo rakirina qedexeyên li ser alîgiran peywendiyên wan bi dezgehan re berdewam in. Hat ragihandin ku ji bo parastina mafên alîgiran, pêvajoyên hiqûqî bi hûrgulî tên şopandin.
Gilîkirina rêveberê Sakaryasporê
Di civînê de biryar hatiye girtin ku li ser gotinên rêveberê Sakaryasporê yê ku navê Gaffar Okkan bi kar aniye, gilî dê bê kirin. Lijneyê weha diyar kiriye ku ew ê vê dozê di zemîna hiqûqî de heta dawiyê bişopînin.
Têkiliyên navneteweyî
Ji bo parastina rûmeta klûbê, biryar hat girtin ku bi otorîteyên sporê yên navneteweyî re peywendî bên danîn. Lijneyê weha gotiye: spor bi ruhê xwe yê hevgirîyê bedew e û xebatên wan ên li dijî cidakariyê dê bi planeka sazîyane berdewam bikin.
Çavkanî: Botan Times, Lijneya Şêwirê ya Amedsporê
sitesinden daha fazla şey keşfedin
Subscribe to get the latest posts sent to your email.
