Li taxên Xûtayê yên rojhilatê Şamê, êrîşên kîmyewî yên rejîma Esed ên 10 sal berê bûne sedema mirina bi hezaran kesan. Nûçegihanên France 24ê serdana vê herêmê kirine û bi şahidên bûyerê re axivîne.
‘Li tu malan kes nehatin binaxkirin’
Eyham El Zaw, ku bavê wî piştî hatina desteserkirin windayî ye, li nav xanîyên wêrankirî yên Cubarê dibêje ku li tu malekê kes nehatin binaxkirin. Li gorî El Zaw, rejîmê bav, dê û ciwan tev di bin îşkenceyê de kuştine û gelek zarok bi çekên kîmyewî hatine kuştin.
Êrîşa gazê ya Zemelkayê 1400 kes kuştin
Li taxa Zemelka ya nêzî Cubarê, êrîşa gaza sarînê ya 21ê Tebaxa 2013ê şopa xwe ya xwînî li herêmê hiştîye. Semar Nekşebendî, ku şeş endamên malbata xwe di wê rojê de winda kirîye, dibêje ku piştî ketina mûşekan hin kesan hewl dane xwe bigihînin banî, hin jî reviyane jêr, lê termê hemîyan hatine dîtin.
Ji 250 hezar kesî bajarekî terk-kirî
Cubar, ku berî şerî 250 hezar kes lê dijîyan, bûye bajarekî terk-kirî. Piştî destpêka serhildanên Bihara Erebî, Cubar yek ji yekem taxên ku li dijî rejîma Esed rabû bû. Rejîmê pênc salan dorpêça vê herêmê kir û bi bombebaranê êrîş anî ser wê heta ku hêzên opozîsyonê ji Xûtayê vekişîyan.
Bindestkirina sivîlan berdewam kir
Piştî vekişandina hêzên opozîsyonê jî rejîmê bi dehan hezar kes desteser kirine û piranîya wan bê şop winda bûne. Li gorî çavdêran, rejîm bi rêya windakirin û îşkenceyê hewl dide ku dengê xelkê bibire.
Çavkanî: Botan Times France 24
sitesinden daha fazla şey keşfedin
Subscribe to get the latest posts sent to your email.
