Serokatiya Ragihandinê ya Serokkomariya Tirkiyeyê rêbereka nû ya bi navê “Nûçegîhaniya Rast û Etîka Medyayê” weşandîye.
Rêber ji bo zimanê kurdî hatiye wergerandin lê di nav çavkaniyan de yek tenê jî çavkaniya medyaya kurdî nîne.
Rojnamegerên Sînornenas (RSF) di raporeka xwe de diyar kirîye ku ji sedî 90ê medyaya neteweyî ya Tirkiyeyê di bin kontrola hikûmetê de ye.
Rêbera ku bi kurmancîyeka serast hatiye wergerandin û cih daye agahîyên bingehîn ên rojnamegeriyê ji bo pirsa “gelo li Tirkiyeyê medyaya dewletê jî tê de ev rojnamegerî tê kirin an dikare bê kirin” bersivek nehatiye dayin.
Rojnamegerên Sînornenas: Tirkiye di rêza 158emîn de ye
Li gorî Îndeksa Azadiya Medyayê ya RSFyê ya 2024ê, Tirkiye di nav 180 welatan de di rêza 158emîn de cih girtîye. Ev der barê sala borî de 7 pille bilindbûnek e, lê rêxistinê diyar kirîye ku otorîterî li Tirkiyeyê xurt dibe û hemû rê tên bikaranîn ji bo qelskirin û bêdengkirina rexnegiran.
Serokkomariyê rêbazên nû diyar kirin
Rêbera ku ji aliyê Serokatiya Ragihandinê ve hatîye amadekirin, li ser pênc mijarên bingehîn disekine: endamtîya pîşeyî, çavkanîya nûçeyê, awayê pêşkêşkirina nûçeyê, rastkirina nûçeyê û bikaranîna medyaya civakî.
Li gorî rêberê, peywira sereke ya endamên medyayê ew e ku li ser mijarên berjewendiya giştî agahiyan belav bikin. Rêberê diyar kirîye ku rojnameger ji her tiştê ku dinivîsin berpirsiyar in û divê ji bo berjewendiyên şexsî pîşeya xwe bikar neynin.
Zextên aborî û hiqûqî
Li gorî raporê, hikûmet û şirketên nêzî hikûmetê bi rêya reklamên dewletê û cezayên giran ên RTUKê (Konseya Bilind a Radyo û Televîzyonê) zextê li ser medyaya rexnegir çêdikin. Her wiha qanûna nû ya “dezenformasyonê” bûye çekeka din a zextê li ser medyayê.
Çavkanî: Botan Times, Serokatiya Ragihandinê ya Serokomariyê (Tirkiye), Rojnamegerên Sînornenas
sitesinden daha fazla şey keşfedin
Subscribe to get the latest posts sent to your email.
