Hêja Netirkê di hevpeyvînekê de ji Botan Timesê re diyar kir ku vê hefteyê albûmeka wê ya bi şêweyê tekane (single) dê derbikeve.
Navê albûma wê ya nû “Herkes Zewicî” ye.
Nêrîna Jinan
Ez dixwazim hestên jinan bibêjim. Yanî ji aliyê jinan ve behsa hin meseleyan bikim. Mesela we gelek caran bihîstiye ku mêrek ji jinekê re bibêje “herkes zewicîn ka em jî bizewicin.” Lê min xwest vê yekê ne mêrek lê jinek bibêje.
Hêja Netirk
Nikarim vegerim
Ez nafikirim bizewicim. Lê her kes dixwazin bi min re bizewicin! Ma her kes dizewicin? Na!
Hêja Netirk
Ez karê xwe yê hûnerî didomînim û nikarim ji Almanyayê vegerim. Ya rastî ez miroveka komîk im lê dewlet (Tirkiye) dixwaze min bavêje di girtîgehê de.
Ez gelekê hej jinên ji-xwe-bawer dikim. Ew jî gelekê hej min dikin. Bila silavên min li jinên jixwebawer bin.
Hêja Netirk
Çîroka destpêkirinê
Hêja Netirkê di hevpeyvînekê de bi Botan Timesê re li ser çîroka destpê kirina mûzîka xwe axivîbû:
Min ji strangotinê pir hez dikir. Ji zaroktî de her cara ku derfet çêdibû min stran digotin. Li zaningehê min dest bi kluba folklorê kir, wek hobî.
Ez ketim beşa dansê ewil. Lê dans ne li gor min bû. Dema em hînî dansên Balkanî dibûn, ji min re pirr dijwar dihat. Ez li mehna digeriyam ku dev ji Kluba folklorê berdim. Hevalekî stranbêj ji min re got tu ‘ji bo çi nayê beşa strangotinê, dengê te xweş e’, min got ‘te nebihîstiye ez çawa stranan dibêjim, tu ji ku dizanî dengê min xweş e’, wî jî got ji axaftinê diyar e.
Werhasil min ji bo sê salan dersên stranbêjiyê standin. Ya rast min dixwest ez xwe fêrî lîstikvaniyê jî bikim bes dersên lîstikvaniyê û stranbêjiyê di heman demê de bûn. Helbet me li wir hertim stranên gelerî digotin.
Dema ez ketim hepsê, ez fêrî gitarê bûm. Û min stranên xwe yên ewil çêkirin. Piştî ez derketim jî min biryar da ku ez stranên xwe qeyd bikim.
Kêfa min jê re tê ku stranên min di derbarê jiyana rojane de ne û hestên jinekê tînin ziman. Ez fikirîm, min got heger min jê hez kiribe, teqez wê kesên din jî jê hez bikin. Ji bo ku ez xwe bigihînim mirovan jî min medyaya civakî wek amûrekê bi kar anî, ev yek jî gelekî wext dixwaze.
Hêja Netirk
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
