15ê Gulanê Cejna Zimanê Kurdî pîroz be

Îro 15ê Gulanê Cejna Zimanê Kurdî ye.

Cejna ku her sal bi daxwaza perwerdehîya zimanê zikmakî li qadan bi girseyî dihat pîrozkirin îsal dibin sîya hilbijartinan da maye.

Berîya demekê nûçegîhana Botan Timesê Beril Caymazê bi mamosteyê zimanê kurdî Gernas Hezexî ra axivîbû.

Hezexî yê ku li Wanê ji bo zorakên erdhêjê qûrsên zimanê Kurdî dida. Wî di vê nûçeyê da behsa rewşa zarokan kiribû.

Hezexî gotibû, “Wextê ez pirtûkeka Kurdî nîşanî wan didim wilo ecêb lê dinêrin…”

Çi bûbû ?

15 Gulana 1932yan bi pêşengîya Celadet Alî Bedirxan li Şamê Kovara Kurdî ya bi navê Hawarê dest bi weşanê kir. Taybetmendîya Kovara Hawarê ew bû ku cara yekem zimanê Kurdî bi tîpên Latînî hat xwendin û nivîsandin. Ji ber vê sedemê her sal 15ê Gulanê wek Cejna Zimanê Kurdî tê pîrozkirin.