02.03.2022 BBC
Di roja heftan a dagirkirinê de şer berdewam e

Di roja heftan a êrîşa Rûsyayê ya li Ukraynayê de şer berdewam e. Leşkerên Rûs êdî dikevin bajaran û şer li nava bajaran berdewam e. 

Ji hêla din ve ev rewşa şerî banoreka mezin li ser bazar û borsayê jî dike. 

07:30 BBC
Artêşa Ukraynayê êrîşa hewayî ya li ser Xarkovê ragihand

Artêşa Ukraynayê daye zanîn ku paraşûtên Rûsyayê li Xarkovê daketine û  êrîşa hewayî jî li bajêr tê kirin. 

07:30 BBC
Rûsyayê derxistina pereyê ji 10.000 dolarî zêdetir qedexe kiriye

Serokê Dewleta Rûsyayê Vladimîr Pûtîn bi biryarnameyekê derxistina derveyê welat ji 10 hezar dolarî zêdetir li welatiyên xwe qedexe kir.

Qedexe ji îro pê ve dikeve meriyetê.

Cezayên ku ji aliyê welatên rojavayî ve li dijî Rûsyayê hatine sepandin, bandoreka mezin li aboriya Rûsyayê dikin.

08:00
Hêzên Rûsyayê ketin bajêr, stasyona trenê xistin bin kontrola xwe

Şaredarê bajarê Kherson ê Ûkraynayê Îgor Kolîxayev diyar kir ku leşkerên Rûsyayê ketine bajêr û îstasyona trênê xistine bin kontrola xwe.

08:30
Borsaya Moskovayê îro jî venabe

Borsaya Moskovayê ya li Rûsyayê di roja sêyemîn a hefteyê de jî venebû

Banka Navendî ya Rûsyayê ragihandiye ku Borsaya Moskovayê di roja sêyemîn ya hefteyê de girtî bimîne.

09:00
Li Ukraynayê 13 jê zarok herî kêm 136 sivîl mirin

Neteweyên Yekbûyî ragihandiye ku di êrîşa Ukraynayê ya ku Rûsyayê roja Pêncşemê hefteya borî dabû destpêkirin de 13 jê zarok herî kêm 136 sivîlan jiyana xwe ji dest dan.

10:30
Bajarê Xarkovê ket bin kontrola Rûsayayê

Rûsyayê ragihand ku bajarê Xersonê ketiye bin kontrola wan.
Wezareta Parastinê ya Rûsyayê ragihand ku hêzên wan bajarê Xerson ê li başûrê Ûkraynayê bi dest xistine.

10:30
Appleyê firotina hilberînên xwe li Rûsyayê rawestand

Şîrketa Apple ya teknolojiyê ya Emrîkî bû yek ji wan şîrketên ku li dijî dagirkeriya Rûsyayê ya Ukraynayê helwest nîşan dan.

şîrketê biryar da ku bi tevahî firotanên hilberê li Rûsyayê rawestîne, karûbarên xwe yên wekî Apple Pay û Apple Maps sînordar bike.

13:00
Bûhayê varîla petrolê bû 113 dolar

Bûhayê varîla petrolê bû 113 dolar.
Ji ber ku pevçûnên li Ukraynayê berdewam dikin, bihayên neftê yên cîhanî zêde dibin. 113 dolar asta herî bilind e ji hezîrana 2014an û vir de. 

14:00
Peskov: Rûsya ji bo duyem guftugoya bi Ukraynayê re amade ye

Berdevkê Kremlînê Peskov gotiye ku karbidestên Rûsî amade ne ku roja Çarşemê bi Ukraynayê re gûftugoyekê bikin, lê ne diyar e ka dê karbidestên Ukraynayê werin an na. 

15:00 BBC
Şaredarê Kyivê: Hêzên dijmin nêzîk dibin, li derûdora bajêr pevçûn heye

Li paytexta Ukraynayê Kîevê, şaredar hişyarî da niştecihan ku hêzên Rûsî ber bi bajêr ve tên û ji xelkê xwest ku li malên xwe bimînin û xwe ji bo parastina bajêr amade bikin.

15:30
Tê îdiakirin ku fûzeyek li avahîya şaredarîya Xarkovê ketiye

Alîkarê Walîyê Xarkovê Roman Semenukha gotiye ku fûzeyeka ku ji aliyê leşkerên Rûsyayê ve hatiye şandin, li avahiya şaredariya Xarkovê ketiye.

16:00
Servîsa Lezgîn a Dewletê ya Ukraynayê: 2 hezar sivîlan jiyana xwe ji dest dane

Servîsa Rewşa Lezgîn a Dewletê ya Ukraynayê ragihandiye ku ji destpêka êrîşa Rûsyayê ya li ser Ukraynayê heta niha zêdetirî 2 hezar sivîl mirine.

Di daxuyaniyê de hat diyarkirin ku li gelek herêman avahiyên nexweşxaneyan, dibistan û tesîsên çûnûhatinê jî hatine rûxandin û îfadeya "Jin, zarok û hêzên parastinê her saetekê jiyana xwe ji dest didin" hat bikaranîn.

16:30
Hevdîtinên aştiyê yên di navbera Rûsya û Ûkraynayê de wê îşev jî bidomin

Ajansa nûçeyan a dewleta Rûsyayê Tass ragihand ku hevdîtinên aştiyê yên di navbera Rûsya û Ukraynayê de wê îro danê êvarê bidomin.

Hat diyarkirin ku ji muzakereya ewil a ku roja Duşemê hat kirin de encama ku tê xwestin nehat bidestxistin û di muzakereya duyemîn de jî dê hevdîtin bidomin.