XWEBÛN du salî ye

Tekane rojnameya heftane ya kurdî du salên xwe yên weşanê temam kirin. Bikarhênerên medyaya civakî û nivîskar û rojnamegeran du salîya rojnameyê pîroz kirin. Di medyaya civakî de haştagên bi sernavên “XwebûnDuSalîye” û “XwebûnXweNasîne” hatin vekirin.

Rojnameya Kurdî ya heftane Xwebûn, ji aliyê rojnamevanên Kurd ve ji bo balê bikşîne ser zimanê Kurdî yê di nava asîmîlasyonê de ye û ji bo belavkirina zimanê Kurdî hatiye avakirin. Rojnamegerên Kurd li ser platforma Twitterê bi hashtagên “#XwebunDuSalîye” û “#XwebûnXweNasîne” kampanyaya piştgirîya Xwebûnê dane destpêkirin.

Di çarçoveya kampanyaya ku rojnameger, siyasetmedar, rewşenbîr û nivîskar beşdar bûn de parvekirinên wek “Xwebûn ziman û çand e”, “Xwebûn zimanê dayîkê ye, parastina zimanê dayîkê ye”, “Xwebûn parastina nasnameyê ye”, “Zimanê me ye. hebûna me ye. Werin em hebûna xwe biparêzin, Xwebûn bişopînin û bixwînin” û “Em Xwebûn in, em li pey xwe bin” hatin kirin.