RSF: Piştî erdhêja li Tirkîyeyê azadîya çapamenîye gelek caran hatiye binpêkirin

Rojnamgerên Sînornenas (RSF) dibêje ku ji roja ewil ya erdhêje ve rojnamger hewl didin rewşa qadê bişopînin. Lê rojnameger ji alîyê rayedarên Tirkîyeyê ve gelek caran bi awayan cuda tên astengkirin. Ew bangê li rayedaran dike ku dawî li wan zeftên li ser rojnamegeran bînin. Divê rayêdar rêzê li ber karên wan bigire.

RFS ji roja ewil ya erdhêjê ve wan zordestî û zeftên ku li rojnamegeran tê kirin dişopîne. Şîdeta fîzîkî, girtin, dozên edlî, êrîşen înternetê û astengkirina Twitterê ji wan hinek in.

Rojnameger bi hinceta “navkirêtkirina polîs û dewlete” hatin sûcdarkirin. Hewldanên kontrolkirina rojnamegeran ji alîyê rayedaran ve her ku diçe bêtir xuya dibe.

Rayedarên Tirkîyeyê divê vê trajedîya li Tirkîyeyê bi astengirina rojnamegeran zêdetîr bi kar neynin. Astengkirin, êrîş, girtin, bûyerên tehdîtkirina rojnemgeran divê bê rawestandin. Rojnameger di nav wan şertên xirab de tenê karên xwe dikin. Nûçeyan wan ji her kesî re ji her wextê bêtir giringtir e.

Nûnerê RSF’ê li Tirkiyeyê Erol Onderoglu

Hin ji wan kesên ku rastî êrîşkirin, ji qadê derxistin, girtin, tirsandinê û astengkirinê hatine:

Mahmut Altintaş: Nûçegihanê Ajansa Mezopotamyayê

Sema Çaglak: Nûçegihana malpera nûçeyan a JinNewsê 

Mehmet Gules: Nûçegihanê MA’yê

Ferît Demîr: Nûçegihanê televîzyona Halk TVyê

Ji bo agahîyên zêdetir, dikarin bixwînîn: Nûçeya RSFyê

Yonca Sarsilmazê ev nûçe ji Ingilîzîyê wergerandiye.