Piştî erdhejên bi lerza 7,7 û 7,6 ya li Mereşê hejmara qurbaniyên di erdhejê de jiyana xwe ji dest dane zêde dibe.
Li Hollandayê ji bo mexdûrên erdhejê bi qasî 89 ewro hat berhevkirin
Li Hollandayê ji bo mexdûrên erdheja lî Tirkiye û Sûriyeyê kampanyaya alîkariyê hat organîzekirin. Di weşana hevpar a qenalên televîzyonê de nêzikî 89 milyon (88 milyon û 921 hezar û 469) ewro hat berhevkirin.
Di seat 248an de keçeke ciwan ji bin xirbeyan hat rizgarkirin
Li Mereşê di seat 248an de keçeke ciwan ji bin xirbeyan hat rizgarkirin.
12:28
AFAD: Hejmar bilind dibe
AFADê ragihand ku hejmara kesên canê xwe ji dest dane derketiye 36 hezar û 187 kesan.
Her wiha hate gotin ku 108 hezar û 68 kes jî birîndar bûne.
11:48
Wezîrê Derve yê Amerîkayê Blinken dê roja Yekşemê bê Tirkiyê
Wezîrê Derve yê Amerîka Antony Blinken dê roja Yekşemê serdana Tirkiyê bike û li ser xebatên alîkariyê yên piştî erdhejê gotûbêj bike.
10:17
AFADê lîsteya pêdiviyên “Pêşî” eşkere kir
AFADê lîsteya pêşîn a malzemeyên alîkariyê yên ji bo herêmên erdhejê eşkere kir.
Di lîsteyê de tiştên alîkariyê yên wekî çadir, betanî û xwarinên hişk hene.
09:00
Di kampanyaya ‘Yek Dil Tirkiye’ de 115 milyar alîkarî hatin komkirin
Di kampanyaya alîkariyê ya ku bi weşana hevpar a gelek qenalên televîzyonê hat lidarxistin de 115 milyar 146 milyon TL alîkarî hat berhevkirin.
Li Amedê 15 kes hatin girtin
Li Amedê di encama erdhejê de 394 kesan jiyana xwe ji dest dan. Di çarçoveya lêpirsîna derheqê avahiyên hilweşiyayîn de 39 kes hatibûn binçavkirin û ji wan 15 jê hatin girtin.
Ji bo zarokên mexdûrê erdhejê kampanyaya “konê listikê” dest pê kiriye
Li Amedê ji bo zarokên mexdûrê erdhejê kampanyaya “Konê Lîstikê” hatiye destpêkirin.
Gulan Onkolê diyar kiriye ku ew him ji bo bexşên konan û him jî ji bo bexşên pêlîstokan amade ne.
Yên ku dixwazin bi kon û pêlistokan piştgiriyê bide zarokan dikarin têkiliyê bi vê hejmarê re deynin: 05056232751
sitesinden daha fazla şey keşfedin
Subscribe to get the latest posts sent to your email.
