Endezyarê Jeolojîyê: Bajarên me li ser xetên fayê hatine avakirin

Gulistan Korban

21 Şubat 2023 11:31

Piştî erdhêja 6ê Sibatê ku li Mereşê pêk hat, li gor daneyên AFADê heta niha 3170 erdhêjên piçûk çêbûn.

Pispor dibêjin dê lerzên piçûk heta saleke berdewam bikin.

Endazyarê jeolojîyê Umit Eke jî ji Botan Tîmesê re dibêje, divê mirov hişyar û baldar bin. Erdhêj dê berdewam bike.

Divê em ferî erdhêjan bibin. Em ferî wan bibin û bi wan re bijîn. Ger em tedbîrên xwe bigrin û li gorî wî tevbigerin wê demê erdhêj nakuje.
Endazyarê jeolojîyê Umit Eke

“Çewlîk û bajarên derdora wê divê hay ji xwe hebin”

Li gor endezyar Umit Eke, erdhêja bi pîleya 6.4 ya li Hatayê çêbû erdhejeke serbixwe bû. Erdhejên bi vî rengî dê berdewam bin.

Eke welatiyên li Çewlîk û derdora wê jî hişar dike ê dibêje,

“Welatîyên li Bîngolê û derûdora wê bila hay ji xwe hebin. Xeta fayê bi jêr ve enerjîya xwe valakir. Niha em li bendê ne bi wê aliyê ve biçe.”

Tirkiye li ser xeta erdhêjê ye. Gelek bajar di warê erdhêjê de xwedî rîskek zêde ne.

Li ser sedema wî jî Eke dîyar dîke,”

“Bajar li ser xetên fayê hatine avakirin”

Ji ber ku bajar li ser xetên fayê hatine avakirin, nelêrîtiyên di çêkirina avahiyan de û aştiya îmarê, bi xwe re encamên xedar anî.
Endazyar Eke

Endazyar Eke jî bi xwe xelkê Mûşê ye. Demeke li ser tesîra erdhêjê ya li ser bajarê xwe serê xwe êşandiye.

Di sala 2015an de li ser rîska erdhêjê ya li ser bajarê Mûşê raporek amade kiriye.

Lê rapora ku pêşkeşî şaredariyê Mûşê kiriye bala tû kesî nekişandiye.

2015 yılında Muş paftasının merkezi kısmında deprem için yatay yer ivmesi projesi yaptım. Muş belediyesine götürdüm ama kimse projeye bile bakmadı. Projeyi ücretsiz katkım olsun diye verdim ama kimse oralı olmadı @Feyat_ASYA, @MusBelediye, @TCMusValiligi #deprem pic.twitter.com/rcJG99W0hW
— Ümit Eke (@Eke_Umit) February 18, 2023

Endazyarê Jeolojîyê Eke dibêje, “welatê me li ser xeta erdêjê ye” û van hişyarîyan li welatiyan dike:

Du erdehejên mezin çêbûn dê paşlerzên wî jî dirêj û bi tundî bin.

Ger erdhêjêk çêbibe divê panîk neyê kirin û bikevin ciheke biewle.

Cihê ku agir, ketin an taluke hebe ji wana durkevin.

Avahîyên ku di sîstema wî ya barkêşiyê de (taşıyıcı sistemler) xesarek hebe divê kesek nekeve hûndirê wî.

Niha rêzîka sereke ew e ku di avahîya da qolon û kîrîşande zirar heye an tûneye divê ew bê tespît kirin.

Tişta ku avahîyê li pîya digre ev in. Lê bi sere xwe ev tenê ne bes e tabî.

Erdhejên bi navenda Mereş ên di 6’ê sibatê de li 10 bajaran rê li ber hilweşîneke mezin vekir.

Heta niha 41 hezar û 156 kesan jiyana jiyana xwe ji dest da.