Di roja karkeran da ajansa bê xebatkar!

Îro 1ê Gulanê Roja Karkerên Cîhanî ye. Gelek alî li qadan daxwaza mafên xwe dikin û behsa edaletê û hiquqê dikin. Lê belê em roja xwe bi xebata li şuna hevalên xwe derbas dikin.

Arjîn Dilek Oncel

Ev gotin aîdê rojnameger Arjîn Dîlek Oncelê ne.

Ew yek ji edîtorên Ajansa Mezopotamyayê ye.

Di van rojan da mesaîya wê zêde ye û barên li ser milên wê giran bûye.

Karên ku 6 hevalên wê yê rojnameger dikirin niha ew hewildide bike.

Ajansa mezopotamyayê bêyî xebatkarên xwe yên çapemenîyê pêşwazî li 1ê Gulanê Roja Karkerên Cîhanî dike.

Edîtora ajansê Arjîn Oncelê niha li şuna 6 hevalên xwe nûçeyan dinivîsîne.

Hewildide pênûsa wan li erdê nehêle.

“Hejmara me her diçe kêm dibe lê belê em hewildidin bixebitin û rastiyan binivîsin. Em li du şopa Musa Anter in û li du rastîyê ne. Lê belê kevneşopiya Çapemeniya Azad kevneşopiyeke wisa ye. Em niha şuna hevalên xwe yên girtî jî dixebitin.

Arjîn Dilek Oncel

Berîya çend rojan li Amedê li dijî xebatkarên çepemenîyê operasyon hate lidarxistin.

Di encamê da 6 rojnamegerên Ajansa Mezopotamayayê hatin desteserkirin.

Ji wan 4 jê hatin girtin. Piştî rojek derbas bû 2 rojnamegerên din jî hatin desteserkirin.

Kursîyên ku berîya niha 6 rojnameger li ser rudiniştin di van rojan da vala ne. 

Barê mayî jî li ser pişta rojnemegerên li derve ne.

Ev ne yekem care kursîyên hevalên me vala dimînin. Hevalên me di girtîgehan da pêşwezî li 1ê Gulanê dikin. Piştî du rojan dê 3yê Gulanê Roja Azadiya Çepemenîyê bê pîroz kirin. Lê ji bo me rojeke bê wate ye.

Dîlek Oncel

Li gor Oncelê armanca van operasyonan bêdengkirine rojnamegeran in.

Ew diyar dike ku, hikûmet bi van operasyonan dixwaze beriya hilbijartinan çapemeniyê bê deng bike.

Li ajansê kursîyên rojnamegeran yek bi yek vala dibin.

Dema Rojnameger Selman Guleryuz hatiye girtin, Rojnameger Sedat Yilmaz debasî şuna wî bûye.

Lê niha li kursîyê Yilmazî jî Arjîn Dîlek Oncel runiştîye. Ew dibêje; “Metirsî heye sibê ez jî bêm girtin.”

Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.