Chalak Events li stenbolê Şeva Cadûyan li dar dixe

Chalak Events wê îşev bi çalakîyeka din li pêş we ye: Şeva Cadûyan a Kurdî (Kurdish Halloween Night) 

Chalak Events platformeke serbixwe ye ku ji bo kesên ku bi çand û hunera Kurdî re eleqedar dibin li hev kom bike çalakiyên çand û hunerî organîze dike. Chalak Events li Stenbolê ji hêla hin ciwanên kurd ve hate avakirin ji ber vê yekê jî herî zêde li wir çalak e û herî zêde li Stenbolê çalakî têne li dar xistin. 

Chalak Events wê îşev bi çalakîyeka din li pêş we ye: Şeva Cadûyan a Kurdî (Kurdish Halloween Night) 

Chalak Eventsê di hesabên xwe yên medyaya civakî de ragihandiye ku ew ê îşev partyekî/çalakîyekî li dar bixin. Wiha ragihandin ku ew ê mêhvan vê Şeva Cadûyan de 

pêşiyê guh bidin dengê stranbêj û lîstikvan Sîdar Ferîd, paşê dê stand-up a lîstikvan Resul Bafeyî temaşe bikin, piştî wê rapbêjê hêja Reqso dê bi stranên xwe yên rapê şevê geş bike. Piştî navberekê dê bi dorê guhdariya stranên stranbêj Mem ê Alan û Seyidxan Sevînc bikin. Dawîya şevê jî dê guh bidin performansa zindî ya DJ Radio Erivan Edit, kilamên radyoya Erîvanê dê bi tarzekî etnîc û elektronîk li ber guhên mêhvanan be.

Her weha Chalakê ragihandiye ku dê makyaja şevê dê bêpere be û mecbûrîyeta cil û bergan tune ye.