Suleymanî: Bo milet roja Şemîyê dakeve qadan êrîş roja Înê çêbû

Sîyasetvanê Partîya Kurdistanî (PAKURD) Simon Suleymanî ji Twitterê çavdêrîyên xwe yên ser Parîsê nivîsîn.

Suleymanî dîyar kir ku êrîş bi îstixbarata kûr ya bloka şerqî li dar ketiye û got ku ewên li xeta Moskow, Enqere û Tehranê asê mane dixwazin di ser Kurdan re kaosê bibin nav Ewrupayê.

Wî îdia kir ku êrîş bo xelk roja Şemîyê dakevin qadan roja Înê çêbûye û derbarê şideta di protestoyan de jî dîyar kir ku hin alîyan ew bi qestî daye çêkirin.

Ser meqamên Fransayî, Suleymanî got ku ‘’jber ku em mafdar in, milet û medyayê bi temamî helwestên destekda nîşan dan’’ û dîyar kir ku jiber ku Kurd ev du car in Parîsê têne qetilkirin berpirsên Fransayî mehcûb in.

Suleymanî di dawîya çavderîyên xwe de bang li Kurdan kir ku li şûna çalakîyên li qadan berê xwe bidin xurtkirina peywendîyên dîplomatîk û bo xeta Amed-Parîsê rûpeleke nû vekin.

Ajansên navneteweyî yên wek AFP û Reutersê ji protestoyên Kurdan yên dijî êrîşa çekdarî bal kişandin ser şidetê.

Di serî de France 24 medyaya Fransayê protestoyên Kurdan wek şidet û zordestî nîşan dan.

Dîmenên li sosyal medyayê raber dikin hin kesên di destên wan de al û flamayên Kurdan hene erebeyan teqle dikin û caman dişkînin. 

Foto: Twitter/SimonSuleymani