Malpera nûçeyan ya Euronewsê vê carê jî protestoya aştîyane ya Kurdên Parîsê bi No Comment, ku bi Kurmancî wateya wê Bê Şîrove ye, da.
Euronewsê dîmenên protestêyên roja Şemîyê, ku têde zordestî û şidet xuya dibûn, bi No Commentê dabû.
Di dîmenan de xuya dibû ku hin kesên pankart, al û flama di destan de erebeyan teqle dikin, caman dişkînin.
AFP, Reuters û France 24 jî ji protestoya Kurdan ya roja Şemîyê bal kişandibûn ser şidet û zordestîyê.
Nûçegihanê Botan Timesê Kubra Sagir duh Duşemê ji Parîsê ragihandibû komên Kurdan bi awayekî aştîyane dimeşin.
Kubrayê dîyar kiribû ku di meşê de sloganên bi Kurdî, Fransî û Tirkî hatine gotin û bêyî ku şidet rû bide dawî li protestoyê hatiye.
Pêla protestoyên Kurdên Parîsê piştî êrîşa çekdarî ya roja Înê destpê kir. Welatîyekî Fransayê yê bi navê William Mallet êrîş biribû ser Navenda Çanda Kurdî ya Ahmet Kaya û dora wê. Bi êrîşa Mallet, ku rastgirekî tundrê ye, 3 Kurd hatibûn kuştin.
sitesinden daha fazla şey keşfedin
Subscribe to get the latest posts sent to your email.
