Derhêner Nesrîn Olmez û Rojnameger Mehveş Evîn ser sîyasetmedar Aysel Tugluk kurtefîlmek çêkirin.
Kurtefîlm, ku navê wê Aysel e û ser jîyan û têkoşîna Tuglukê ye, bi piştgirîya Komeleya Wekhevî û Hevkarî ya SESê hatiye amadekirin.
Ew kurtefîlm li ser hesabê Youtubeê ya Komeleya Wekhevî û Hevkarî ya SESê hat weşandin.
Di fîlmê de, sîyasetmedar û aktîvîstên wek Eren Keskîn, Sirri Sureyya Onder, Reyhan Yalçindag û Ahmet Turk behsa têkoşîna Tuglukê dikin.
Aysel Tugluk di sîyaseta Kurdan de jina pêşî ye ku wek hevserok kar kiriye.
Di sala 2005an de, Aysel Tugluk û Ahmet Turk bûbûn hevserokên Partîya Kongreya Civakî (DTP).
Tugluk di sala 2011an de bi ragihandina xweserîya demokratîk ketibû rojeva Tirkîyê.
Sîyasetmedar Tugluk di sala 2016an de ketibû hepsê û di rojên borî de jiber nexweşîya demansê hat berdan.
