Tirkiye êdî ket pêvajoya hilbijiartinê.
Partiyên li Tirkîyeyê jî ji niha de dest bi kar û xebatên xwe kirin.
Dengê hilbijêrên Kurd jî wekî gelek hilbijartinan di vê hilbijartinê de jî biqiymet û stratejîk e.
Partiyên sîyasî ji bo Kurdan çi waat dikin û dê çi bikin?
Di bernameyên xwe de çawa cîh didin Kurdan? Li Perwerdehiya zimanê zikmakî çawa dinerîn?
Li ser vê mijarê em ê her hefteyê li deriyek partiyeke siyasî ya li bajarê Amedê bidin.
Vê heftê Serokê Partiya ÎYÎyê yê bajarê Amedê Vejdîn Ensarioglu li ser vê mijarê bersiva pirsên Botan Timesê dide.
Li ser pirsa me ya di derbarê perwerdehiya zimanê dayikê Ensarîoglu dibêje,
Perwerdehiya zimanê dayikê mafeke rewa ye. Hejmara dersên bijarte dikare bên zêdekirin. Ji bo wê jî divê di nava civatê de anketeke bê çêkirin. Ger xelk bixwaze seatên dersên kurdî zêde bibe, divê bê zêdekirin.
Vejdîn Ensarioglu
“Tirkî û Îngîlîzî heye çîma Kurdî tune ye”
Serokê Partiya ÎYÎyê yê bajarê Amedê Vejîn Ensarioglu dîyar dike ku eger ew bibin desthilatdar ew ê di balafirên tên Amedê de anonsên Kurdî jî lê zêde bikin û dibêje:
“Ez bi balafirê gelek têm û diçim gelek caran jî bala min kişandiye… Mesela di balafirên tên Amedê de anonsên Tirkî û Îngîlîzî heye lê çima ya bi Kurdî tune ye? Kesên tew bi Tirkî nizane hene, ew çima li wan tê kirin. Divê di seferên tên Amedê de anonsên bi Kurdî jî hebe.
Beriya niha jî min gotibû, pîştî min Serokê AKPê yê bajarê Amedê jî got: “Çima çênebe” Lê eger em bibin desthilatdar em ê nebêjin “çima çênebe” em ê bikin.
Vejdîn Ensarioglu
‘Yek dewlet, yek al dibe lê yek milet nabe’
Vejdîn Ensarioglu gotinên Serokomar Erdogan yê “Yek al, yek dewlet û yek millet” bibîrdixe û dibêje;
Yek millet nabe ji ber ku li vê welatê yek milet najî. Miletên din jî hene. Lê yek al û yek dewlet e.
Vejdîn Ensarioglu
Parlemena Tirkîyeyê bi 600 kursî ye û 37 wekîlên Partîya ÎYÎyê heye.
Partiya ÎYÎ partiyeke netewperest e. Di 25ê Cotmeha 2017an de ji aliyê Meral Akşener û 4 wekîlên ji Partiya Tevgera Neteweperest hatine îxrackirin hatîye avakirin.
Meral Akşener ji wê salî ve serokatiya partiyê dike.
Botan her Pênşem mêvanê partiyekî ye:
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
