Ji Hilbijartinên Giştî û ya Serokkomariyê ra ku di 14ê Gulana 2023yan da pêk bên 20 roj mane.
Li gor rêza di pusulaya dengdanê da dê Recep Tayyip Erdoğan, Muharrem Înce, Kemal Kılıçdaroğlu û Sinan Oğanî ji bo kursîya serokkomariyê bi dest bixin tebikoşin.
Li seranserê Tirkîyeyê dê 24 partiyên siyasî û 151 namzedên serbixwe yên parlamenteriyê bikevin Hilbijartina Giştî ya Parlamentoyê.
Hin partiyên siyasî bi 5 tifaqên cuda di bin navê tifaqên “Cumhur”, “Miletî”, “Ata”, “Ked û Azadî” û “Yekîtiya Hêza Sosyalîst” dikevin hilbijartinan.
191 hezar û 884 sindoq dê bên danîn
Li seranserê Tirkiyeyê dê li 973 navçe û 1094 lijneya navçeyan 191 hezar û 884 sindoq bên danîn.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Li welêt û li derveyî welêt bi giştî 64 milyon û 113 hezar û 941 hilbijêr dê dengên xwe bikarbînin.
Li welêt cara ewil dê 4 milyon û 904 hezar û 672 hilbijêr dengên xwe bidin.
Li hemû bajarên Tirkîyeyê dengdan wê di seat 08.00an da dest pê bike û seat 17.00an da bi dawî bibe.
