Rûniştina yekemîn a doza Malbata Şenyaşar îro li 5emîn Dadgeha Cezayê Giran a Meletiyê bi rê ve biçe.
Emine Şenyaşar banga piştgirîyê dike û dixwaze ew tenê neyin hiştin.
Ew bûyera ku jiyana malbata Şenyaşar ser û bin kir di 14 Hezîrana 2018an de li navçeya Pirsûsa Rihayê pêk hat.
Parlamenterê AKPe Îbrahîm Halîl Yildizî û xizmên wî di dikana wan de êrîşî malbata Şenyaşarî kiribûn.
Di wê êrîşê de hevjîn û du kurên Emîne Şenyaşarî hatibûn kuştin. Emîne Şenyaşar û kurê wê Ferît Şenyaşar jî bi brîndarî filitîbûn.
Piştî bûyerê Emîne Şenyaşar bi çavên girî li ber edliyeya Rihayê runişt û bi daxwaza Edaletê dest bi nobetê kir.
Ji roja ku dest bi nobetê kir heta niha 679 roj derbas bû.
Di nava 679 rojan de Emîne Şenyaşar bi dehan caran hate binçavkirin.
Kurê wê û ew rastî lêdanê hatin. Di derheqê wan de lêpirsîn hatin vekirin lê wan tu caran cihê xwe netirikandin.
Daxwaza xwe ya edaletê her anîn ziman.
Tekoşîna wê ya li ber diwarên darazê îlham da derheneran û şayanê xelatan hat.
Belgefîlma bi navê “Ji bo Edaletê” ji aliyê Elîf Tigit ve hate çekirin û wî tê de behsa tekoşîna Emîne Şenyar kiriye.
Emîne Şenyaşar niha daxwaz dike ku kurê wê girtî Fadıl Şenyar ku bi 39 salan tê darizandin bê berdan û kesên ji wê êrîşê berpirsyar bên darizandin.
Foto: Twitter, @senyasarailesi
