Analîst û birêvebirê Kurdish Studies Centerê (Navenda Xebatên Kurdî) Reha Ruhavioglu li ser hevpeymana Rojava û hikumeta Şamê analîzek nivîsî. Di nivîsa wî ya li Xyê cih daye van analîzan:
Pêvajoya ku piştî bûyerên Helebê li Sûrîye û Rojavayê dest pê kiribû, bi peymaneka nû ya ku encama şertên guherîbû ye bi dawî bû. Ev rewş wekî encama lihevkirina hikûmeta Sûrîyeyê û Şamê hat dîtin. Şamê bi wêrekîyeka mezin ev fersend bikar anî; lê belê alîyê kurdî nekarî jêhatîbûna pêwîst nîşan bide.
Hişmendîya neteweyî ya kurdî derket lûtkeyê
Bûyerên ji Helebê heta niha, li her derê cîhanê raya giştî ya kurdî xist tevgerê û kurd li dor hişmendîyeka hevpar bûn yek. Civaka kurdî di sed salên dawîyê de belkî cara yekem e ku bi vî rengî, wekî neteweyeka yekgirtî ya ser parçeyan re tevgerîyaye. Ev tabloya ku wekî “yek-millet” derketîye holê, di dîroka nêz de wekî rûdaneka bêhempa tê dîtin.
Sîyaseta parçeyî û nifşê nû yê rêberan
Her çend hişmendîyeka neteweyî ya hevpar hebe jî, elîtên sîyasî yên kurd ber bi stratejîyên parçeyî ve diçin. Nifşê nû yê sîyasî ku kesên wekî Nêçîrvan Barzanî, Mesrûr Barzanî, Selahattin Demirtaş û Mazlum Abdi temsîl dikin, giranîyê didin sîyaseta nav herêm û welatên xwe. Ev nifşê nû, ji bo xurtkirina destê xwe, berê xwe daye paytextên welatên ku lê dijîn û li wir sîyasetê pêş bixînin.
Dewra sîyaseta sivîl û rola Mazlum Abdi
Li Tirkîyeyê nîqaşên li ser “jubileya çekan” bi nameya Ocalan a 27ê Sibatê re daxilî qada giştî bûn. Li Sûrîyeyê jî êdî tê dîtin ku hêza çekdarî tenê sînorên heyî diparêze û ji bo destkeftîyên nû pêdivî bi sîyasetê heye. Mazlum Abdi heta niha wekî leşkerekî tiştê ji destê wî hatîye pêk anîye. Piştî niho, ji bo ku ew pêşde biçe, divê ne tenê wekî fermanderekî li Qamişloyê bisekine, lê wekî rêberê sîyasî yê kurdên Sûrîyeyê li Şamê sîyasetê bimeşîne.
Ev paranteza dîrokî ya ku bi Helebê vebû, her çend ji tiştê ku talihê ji bo kurdan amade kiribû kêmtir be jî, hişmendîya kurdî bilind kir. Niho ji bo kurdan wezîfeya sereke ew e ku vê hişmendîyê bikin rakêşek û ji bo xurtbûna li paytextan sîyasetê derxin pêş.
Çavkanî: Reha Ruhavîoglu – Botan Times
sitesinden daha fazla şey keşfedin
Subscribe to get the latest posts sent to your email.
