Piştî hilweşîna rejîma Esed li Sûriyê, welatên herêmê dest bi tevgerên nû kirine. Îranê dev ji piştgirîya xwe berdaye, Tirkiyê êrîşî hêzên Kurd kiriye û Îsraîl ketiye nava axa Sûriyê. Li Şamê çekdarên muxalefetê kontrola bajarî kirine di destê xwe de.
Tevgerên hêzên herêmî
Îranê bi awayekê fermî dev ji piştgirîya xwe ya ji bo rejîma Esed berdaye. Wezîrê derve yê Îranê Abbas Araghchi li televîzyona dewletê gotiye ku ew ji lez û beza bûyeran şaş mane û artêşa Sûriyê şer nekiriye. Li gorî Araghchi, heftiya borî Esed jê re gotiye ku ji ber artêşê bitirs e.
Tirkiyê êrîşî hêzên HSDyê yên li bakurê Sûriyê kiriye û bi balafir û dronên xwekuj baregehên Kurdan armanc kirine. Li gorî Çavdêrxaneya Sûriyê ya Mafên Mirovan, herî kêm 22 endamên HSDyê mirine û 40 kes birîndar bûne.
Îsraîlê di van rojên dawî de êrîşî cihên çekên kîmyewî û depoyên fûzeyan kiriye. Wezîrê derve yê Îsraîlê Gideon Saar gotiye ku ew ditirsin çekên rejîmê bikevin destê komên tundrew. Hêzên Îsraîlê cara yekem ji sala 1970î ve ketine nava axa Sûriyê.
Rewşa li paytextê
Li Şamê çekdarên muxalefetê dest bi rêvebirina bajarî kirine û hewl didin aramîyê biparêzin. Li gorî nûçegihanên li cih, çekdar bi cil û bergên leşkerî li ber banke û sazîyên dewletê sekinîne, trafîkê bi rê ve dibin û nehiştin kesek dest bide malên dewletê.
Rojnamegerên ku ji Libnanê ketine Şamê dibînin ku li ser rêya sereke tank û baregehên vala yên artêşa Sûriyê hene. Postêrên Esed ên li ser dîwaran hatine çirandin û gel şahîyê digire. Lê li taxên filehan wek Babşerqî, kesên ku piştgirîya rejîmê dikirin, xwe vedişêrin.
Girtîgehên rejîmê
Bi sedan kes li derîyê girtîgeha Seydnayê kom bûne û li malbatên xwe yên windabûyî digerin. Li gorî çavkanîyan, tîmên lezgîn hewl didin girtîyên di xanîyên veşartî de bibînin.
Helwesta hêzên navneteweyî
Amerîkayê ragihandiye ku ew ê destûr nedin DAIŞ’ê ji rewşê sûd werbigire. Wezareta Parastinê ya Amerîkayê daxuyand ku wan 75 hedefên DAIŞ’ê li navenda Sûriyê armanc kirine.
Penaberên Sûrî
Li ser sînorê Libnanê 1.5 milyon penaberên Sûrî hene. Gelek kes dixwazin vegerin welatê xwe, lê hinek jî ji paşeroja welêt bitirs in.
Çavkanî:
- Christina Goldbaum, Hwaida Saad (The New York Times)
- Eve Sampson (The New York Times)
- Farnaz Fassihi (The New York Times)
- Aaron Boxerman (The New York Times)
- Botan Times
