Heke te nameyek ji xwedê ra binivîsîya dê te çi bigota?
Ka tu li ku derê yî?
Kesayetê/a tu herî zêde jê hez dikî kî ye?
Morî ye, (keça min) hezkirina jîyanê jî bo min tişteki ewqas biçûk e, wekî morîkekê.
Heke te bo xwe cîhanek ava bikira te nedixwest çi lê biqewime?
Min ê nehişta dawet bêne kirin.
Kîtêba herî zêde tu jê hez dikî kîjan e?
Kafka, Veguherîn.
Gava tu mirî bi taybet dixwazî kî bê ser gora te, çima? (mirî an sax ferq nake; bi du risteyan)
Gregor Samsa, ger ew were wisa hîs dikim ku her kes dê bikare were ser gora min.
Herî zêde çi te xemgîn dike?
Çûyîn, dibe ku ev mirin be jî.
Heke te navek li bircên Dîyarbekirê bikolaya ev dê navê kê bûya?
Ciwan Haco
Te dixwest li kîjan serdemê bijî?
Ji 1960an heta 1999an.
Heke cardî bihatayî dinyayê, te yê çi tişt cardî bikira?
Him sînema bidomîya him jî belkî helbestkarî jî min bicerbanda.
Beriya mirina xwe herî pir dixwazî çi pêk bînî?
Çareserîya mirinê bihata dîtin.
Tu herî zêde çi xeyal dikî?
Qet nemirim.
Li vê heyatê çi di dilê te da bûye kûl û derd?
Weşîyana porê min.
Heke te bixwesta tiştekî xwe biguherî ew dê çi bûye?
Bextreşîya min.
Serkeftina te ya herî mezin çi ye?
Bextreşî.
