Kurdî, li ser Wîkîferhengê Farisî, Tirkî û Erebî derbast kir û bû 8emîn zimanê herî dewlemend ê cîhanê.
Li gorî nûçeya Rûdawê, zimanê kurdî ji alîyê peyvan ve bûye heştemîn zimanê herî dewlemend ê cîhanê.
Li gorî daneyên Wîkîferhengê (Wiktionary) ya beşa ferhengê ya Wikipedîyaya Îngilîzîyê, Kurdî bi 918 hezar û 123 peyvan di nav 168 zimanan da di rêza heştemîn a cîhanê da cih digire.
Wîkîferheng malperek e ku axêverên kurdî dikarin peyvan li malperê zêde bikin ku ew xizmeta belaş didin. Peyvên ku li malperê têne zêdekirin, di bin çavdêrîya heft lêkoleran da têne qebûlkirin û paşî li ser malperê têne zêdekirin.
Kurdî, piştî Îngilîzî, Fransî, Malagasî, Çînî, Rûsî, Yunanî û Almanî di rêza heştemîn da cih digre û her roj peyvên nû lê tên zêdekirin.
Kurdî, di rêza heştan da cih digire ku bi tenê lêzedekirina ji zaravayên Kurmancî û Soranî pêk tê. Lêbelê peyvên zaravayên kurdî Goranî, Kirmanckî (Zazakî/Dimilî) û Lorî tê da cih nagirin.
