“Ev nîşaneka temsîlkirina berxwedan û potansîyela di civaka Kurdan de ye”

  • 27/11/2023
“Ev nîşaneka temsîlkirina berxwedan û potansîyela di civaka Kurdan de ye”
Murat Bayram Fotoğrafı

Murat Bayram

27/11/2023

BBCyê îsal Lîsteya 100 Jinên Îlhambexş eşkere kiriye. Di lîsteyê de jineka îlhambexş Basima Abdulrahman jî heye. Ew li Herêma Kurdistanê, avahî û derdorên xweza-dost çêdike. Botan Timesê li ser xelatê û hestên wê pê re hevpeyvîn kir.

Nîşana berxwedan û potansîyela civaka kurdan

Dema ez di platformeka wek Lîsteya 100 Jinên Îlhambexş ya BBCyê de wek jineka kurd tême nasîn, ev ne bi tenê nîşana biserkeftineka şexsî ye, ev nîşaneka temsîlkirina berxwedan û potansîyela di civaka Kurdan de ye.

Çêdibe ku dema jinên ciwan ên kurd bibînin kesek ji nijada wan di platformeka navneteweyî de ye, ev yek ji wan re îlhambexş be. Ev peyameka gelekê bihêz dide ku digel astengên çandî û nijadî em dikarin ji astengîyan biborin û tiştên qenc û baş li mirovatîyê zêde bikin.

Ez hêvî dikim em meydanê ji normên zayendî yên civakî re bixwazin û nîşan bidin ku jin dikarin biser bikevin û qencîyê li civaka xwe zêde bikin heta ku qencîyê li cihên ji civaka xwe wêdetir re jî bikin. 

Serbilind im

Ez serbilind im ku ji bo lîsteya 100 Jinên Îlhambexş ên BBCyê hatime hilbijartin û li rexa wan jinên karên baş li qada xwe zêde kirine cih digirim. Ev spasî karên min bi xîret û kedeka mezin kirîn piştrast dike û ne bi tenê vê dike nîşan dide ka ka qîmetê wan tiştên min qedir dayîyê çi qasê bilind in. Di lîstaya 100 Jinên BBCyê de 28 jin hebûn ku ew ji bo kêşeyên demildest divê bêne çareserkirin li çareserîyan digerîyan. Ez gelekê kelecen im ku di nav wan kesan de me. Kelecan im ku di komeka aktîv ya ku hewil dide guherîneka baş li dinyayê bikin de cih digirim. 

Kêmkirina tesîra guherîna îklîmê

Min dixwest ez tesîrên guhertina îklîmê kêmtir bikim û min ji dil û hinavan dixwest ez tesîreka baş li derdorê bikim ji ber wê min KESK ava kir. Zehmet bû ku dest bi îşekê li ser guhertina îklîmê bikim û civakê li ser giringîya wê hayedar bikim. Ji bo guhertina pêpaşîya ji bo guherînê divîya karên berxwedanê bêne kirin û perwerde bê dayin. Hê jî ew lazim in.

Şîrove*

%d