Serokomarê Tirkîyê Recep Tayyîp Erdogan îro Înê da zanîn ku derba herî giran wan li Dewleta Îslamî (DAIŞ) daye.

Erdogan li Foruma TRT World da zanîn ku Yekîneyên Parastina Gel (YPG) dijî DAIŞ’ê ti têkoşîn nekiriye.

Wî dîyar kir ku dewleta ku dijî DAIŞ’ê şer û têkoşîn kiriye bi her awayî welatê wan e.

Amerîka, Hêzên Sûrîya Demoratîk (HSD), ku Yekîneyên Parastina Gel (YPG) pêşengîya wê dike, di têkoşîna DAIŞê de wek hevkarekî girîng dibîne.

HSDê di rojên borî de ser operasyonên Tirkîyê yên dijî bakurê Sûrîyê dabû zanîn ku ew tevger zerarê didin têkoşîna dijî DAIŞê.

Berpirsên Amerîkî li dû bangên HSDê dîyar dikin ku ew bi tundî dijî operasyona Tirkîyê ne.

Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!