Demîrtaş bi sê zimanan û sê rengan sersalê pîroz dike

Hevserokê berê yê Partiya Demoktik ya Gelan (HDP) Selahattîn Demîrtaş ji hesabê xwe yê Twitterê post-karteke sersalê weşand.

Di post-kartê de bi sê zimanan, Tirkî, Kurmancî û Zazakî sersal hatiye pîrozkirin.

”Sala we ya nû pîroz bibe, bila bibe sala azadîyê” li ser post-karta bi îmzaya S. Demîrtaş hatiye nivîsîn.

Post-kart bi balonan hatiye xemilandin û li hêleke wê jî rengên kesk-sor-zer xuya dikin.

Hin çavkanî dibêjin ku kesk, sor û zer rengên milî yên Kurdan in û dîyar dikin ku zer rojê, sor, xwîna şehîdan û kesk jî çiya û tebîetê temsîl dikin.