Îro di nav rêveberên şirketên mezin de zû rabûn wek nîşaneya serkeftinê tê dîtin. Tim Cook ê “Apple”yê û Bob Iger ê “Disney”ê di navbera saet 4 û 5ê sibehê de radibin.
Lêkolînek nîşan dide ku ji sedî şêst û pêncê rêveberên Amerîkî berîya saet 6ê radibin.
Feydeyên zû rabûnê
Demên bêdeng ên sibehê çend feydeyan didin mirovan:
- Bersivdana e-nameyan hêsantir e
- Mirov dikare bê qelebalixî bifikire
- Ji bo karûbarên rojê mirov xwe amade hîs dike
Lêkolînan diyar kiriye ku kesên zû radibin (kesên seyfî) xwe bextewartir û saxlemtir dibînin. Li gorî lêkolîneka Fînlandayê, mêrên ku zû radibin ji yên derengrab %4 zêdetir pereyan qezenc dikin.
Astengîyên zû rabûnê
Lê belê zû rabûn ne hertim baş e:
- Rêveber dikarin bar û berpirsiyarîyên zêdetir bidin kesên ku zû radibin
- Dema mirov zû e-nameyan bişîne, bersivên zêdetir tên
- Jiyana civakî dikare lawaz bibe
- Mirov nikare beşdarî çalakîyên êvarê bibe
Ritma laşî ya xwezayî
Zanyar dibêjin ku ritma laşê mirovan bi piranî bi genên wan ve girêdayî ye. Hewldana guhertina vê ritmê bi zorê ne baş e. Yên ku hewl didin bibin ‘dîkilê sibehê’ pir caran mecbûr dimînin qehweya zêde vexwin. Ji alîyê din, beşdarên ‘şevbuhêrk’an jî di civînên sibehê de têra xwe çalak nabin.
Rêya navîn
Piranîya mirovan ne ‘dîkilê sibehê’ ne û ne jî ‘kesên şevbuhêrkan’ in. Ew di navbera herduyan de ne. Ji ber vê yekê ye ku piranîya nivîsîgehan di navbera saet 9 û 5ê de dixebitin.
Her mirov xwedî ritmeka xwezayî ya laşî ye. Li şûna ku em xwe bi zorê biguherin divê em vê ritma xwe nas bikin û li gorî wê bijîn.
—-
Çavkanî: The Economist, Botan Times
