26.02.2022 - 07:30
Rêxistina Efûyê li dijî Rûsyayê daxuyanî daye
Rêxistina Efûyê ya Navnetewî, ragihand ku şerê Rûsyayê yê li dijî Ûkraynayê dikare weke “sûcê şer” bê hesibandin. 
08:30
Dê Emrîka ji Ûkraynayê re arîkarîya 'eskerî bişîne
Serokê Emrîkayê Biden, ferman da Wezareta Karên Derve ku bihayê 350 milyon dolaran alîkariya eskerî ji Ûkraynayê re bişîne. 
BBC
Artêşa Ukraynayê êrîşa li dijî baregeheke leşkerî ya li Kîevê berteref kiriye

Artêşa Ukraynayê roja şemiyê di peyameke Facebookê de ragihandiye ku êrîşa li dijî baregeheke leşkerî ya li Kîevê berteref kirine. 

Li kolanên Kîevê pevçûnan dest pê kiriye

Li gorî nûçeya ajansa nûçeyan a Ukraynayê Interfaxê, rayedaran bi daxuyaniyeke nivîskî ragihandine ku li kolanên paytext Kîevê pevçûnan dest pê kirine.

Di daxuyaniyê de wiha hatiye gotin: “Aniha li kolanên bajêr şer û pevçûn diqewimin."

Ji gel hat xwestin ku di sitargehan de bimînin, xwe ji balkon û paceyan dûr bixin.

08:30
Leşkerên Rûsyayê 'bêyî berxwe bidin' ketin bajarê Melîtopolê

Li gorî rapora ajansa nûçeyan a Interfaxê, wezareta berevaniya Rûsiyê ragihandiye ku hêzên Rûsî derbasî nav bajarê Melîtopol li başûrê Ukraynayê bûne. Gelê Melitopolê bi hatina leşkerên Ûris kêfxweş bûne.

08:45
Zelensky teklîfa Emrîkayê ya tehlîyeyê red kiriye

Li gorî medyaya Emrîkayê, Serokomarê Ukraynayê Volodymir Zelensky pêşniyara tehlîyeya wî ji aliyê rêveberiya Washingtonê ve red kiriye.

Li gorî ajansa nûçeyan a Associated Pressê, ku ji personelên payebilind ên îstixbaratê yên ku rasterast ji hevdîtinê agahdar in, Zelenskiy gotiye, "Şer li vir e, pêdiviya min bi cebilxaneyan heye, ne bi tehlîyebûnê. 

09:00
Rûsyayê fûzeyên Kruz avêtine Ûkraynayê

Hate ragihandin ku Rûsyayê fûzeyên kruz ji Behra Reş ve avêtine Ûkraynayê.

Hatiye ragihandin ku li herêmên ku tundî lê zêde bûne êrîşên hewayî dewam dikin.

01 Jan 2020
Ukrayna dibêje heta niha 3500 leşkerên Rûsyayê hatine kuştin

Artêşa Ûkraynayê di daxuyaniyekê de ku li ser rûpela xwe ya Facebookê belav kiriye, ragihandiye ku 3 hezar û 500 leşkerên Rûsyayê yên beşdarî êrişê bûne hatine kuştin û nêzîkî 200 leşker jî dîl hatine girtin.

Ji aliyeke din ve jî artêşa Ûkraynayê derbarê ziyanên hêzên Rûsî de zanyariyên zêdetir belav kir û got, heta niha 14 balefirên şer yên Rûsî, 8 helîkopter û 102 tank hatine têkbirin.

09:30
Zelenskiy: 'Ji nûçeyên sexte bawer nekin, ez li vir im'

Serokomarê Ukraynayê Volodymir Zelenskiy bi vîdeoya ku li ser hesabê xwe yê Twitterê parve kir, bersiv da îdiayên ku wî welat terikandiye.

Serokomarê Ukraynayê gotiye: "Ji nûçeyên sexte bawer nekin. Ez li vir im. Em dev ji çekan bernadin. Em ê dewleta xwe biparêzin."

12:00 BBC
Dê Hollanda 200 fûzeyên balafir qewêr bişîne Ukraynayê 

Hikûmeta Hollandayê ragihandiye ku ew ê di zûtirîn demê de 200 fuzeyên balafir qewêr yên Stinger bişînin Ukraynayê.

Li gorî agahiyên ku Wezîrên Karên Derve û Parastinê yê Hollandayê dane meclîsê, daxwaza Ukraynayê ya di vî warî de di demeke kin de hat bersivandin.

12:20
Li Kîevê 35 kes birîndar bûne

Li nêzî Balafirgeha Zhuliany ya Kîevê roketek li apartmanekê ket. Herî kêm 5 qatên avahiyê xisar dîtine.

Şaredarê Kîevê Vitali Klitshko ragihandiye ku di pevçûnên ku tevahiya şevê dewam kirin de 35 kes birîndar bûne.

12:40
Şîrketa Metayê reklamên çapemenîya Rûsyayê rawestandine

Şîrketa Metayê ku xwediyê Facebook, Instagram û Whatsappê ye, reklamên çapemeniya dewleta Rûsyayê li ser hemû platformên xwe û li seranserê cîhanê qedexe kir.

Meta ragihand ku ev saziyên çapemeniyê wê nikaribin li ser platforman pereyan qezenc bikin.

13:00
Heta niha 198 Ukraynî mirine û 1115 kes jî birîndar bûne

Wezîrê Tenduristiyê yê Ukraynayê Vîktor Lyashko ragihandiye ku ji destpêka dagirkeriya Rûsyayê heta niha 198 welatiyên Ukraynayê jiyana xwe ji dest dane ku 3 ji wan zarok in.

Lyashko ev dane li ser hesabê xwe yê Facebookê parve kirine, hejmara birîndaran hezar û 115 e û ji wan 33 zarok in.

14:00
Wezareta Karên Derve ya Ukraynayê: Dest ji kirîna nefta Rûsyayê berdin

Wezareta Karên Derve ya Ukraynayê: Dest ji kirîna nefta Rûsyayê berdin, balyozên Rûsyayê derxînin.

Wezîrê Derve yê Ukraynayê Dimitro Kuleba bang li cîhanê kir ku kirîna petrola Rûsyayê rawestîne.

14:00
Dimirti Medvedev: Pêdiviya me bi têkiliyên dîplomatîk ên bi Rojava re nîne

Serokê berê yê Rûsyayê Dmitriy Medvedev got ku Moskova pêdiviya xwe bi têkiliyên dîplomatîk ên bi Rojava re nîne.

Medvedev di daxuyaniya xwe ya li ser hesabê xwe yê li ser malpera medyaya civakî ya VKyê da got ku ew dikarin balyozxaneyan kilît bikin.

Medvedev got, heta ku armancên Vladîmîr Pûtîn pêk neyên, wê dagirkeriya Ûkraynayê bidome.

14:30 BBC
Fransayê li behra Manşê keştîyeka Rûsyayê rawestandiye

Fransayê ji ber binpêkirina rêzikan, keştiyeka barhilgir a Rûsyayê li Behra Manşê rawestandiye.

15:30
Zelensky: Plana Rûsyayê ya ku min dîl bigire têk çû

Serokê Ukraynayê Volodymyr Zelensky got ku plana Rûsyayê ya dîlgirtina wî şeva borî û derxistina lîderekî alîgirê Rûsyayê têk çû.