Amed – Zinarê Xamo kitêba xwe ya nû îmze kir

Amed – Zinarê Xamo kitêba xwe ya nû îmze kir
Amed – Zinarê Xamo kitêba xwe ya nû îmze kir
Botan Times

Zinarê Xamo û malbata xwe îro mêvanên Botan Internationalê bûn û Xamo kitêba xwe ya nû ya bi navê Rojnivîskên Sirgûnekî bo civata hazir îmze kir.

Xamo piştî 10 salan, ji welatê Swêdê hate seredana welatê xwe.

Wî li ofîsa Botan Internationalê ligel xebatkarên Botan Times û çendîn mêvanan, behsa çendîn serborîyên xwe kir û civat gêra.

Kitêba dawî ya Xamoyî Rojnivîskên Sirgûnekî ji Weşanên Pall çap bûye

Xamo kitêba xwe ya nû Rojnivîskên Sirgûnekî bo hezkirî û xwînerên xwe yên hazir îmze kir.

Wêne – Mehmet Ali Konar

Tê payîn ku Zinarê Xamo dê li Amed û çendîn bajarên din gotûbêjan li dar bixe ku tarîxa wan hêj nehatîye dîyarkirin û di demekî nêzîk da tarîxa gotûbêjan dê ji aliyê Weşanên Pallê ve bê dîyarkirin û ragihandin.

Zinarê Xamo kî ye?

Di sala 1950î da li Wêranşara qezaya Rihayê hatiye dinê. Ji eşîra Çûva, ji bera Xamoya ye. Bavê 4 zarokan e. Ji sala 1980î vir da ye li Swêdê dijî. Heta nuha sê kitêbên wî çap bûne. Hindik RindikHebû TunebûAntolojîya Çîrokên ZarokanStiriyên Me. Û wergereke wî ji swêdî, Bide Dû Dilê Xwe ya Susanna Tamaro heye. Ji sala 1980î vir da di gelek rojname, kovar û malperên kurdî da nivîsiye, di hinekan da jî (ArmancBerbangHêvîHêlînNetkurd) endametiya redaksiyonê û redaktorî kiriye. Di sala 1985an da demeke kin serokatiya Federasyona Komeleyên Kurdistanê li Swêdê kiriye û salekê jî serokatiya Yekîtiya Nivîskarên Kurd li Swêdê kiriye. Ji sala 2007an vir da ye blogeke wî ya bi navê Hindik-Rindik heye. Zinarê Xamo blogerê kurmancî yê ewil e.