Serokê Ukraynayê Volodymyr Zelenskîyî roja 16ê Çirîya paşîn, 2024ê li parlamentoya Ukraynayê plana serkeftinê ya Ukraynayê pêşkêş kiriye.
Zelenskîyî gotiye ku ev plan dikare bê pêk anîn, lê ew girêdayî hevkarên wan e.
Xalên sereke yên planê
Pêşniyar ji pênc xalan pêk hatiye. Yek ji wan vexwendina endametîya NATOyê ye. Xaleka dî jî ew e ku şer dê li ser axa Rûsyayê bê kirin. Herwiha, pêşniyara paketa astengkirina stratejîk a ne-nukleer li ser axa Ukraynayê jî tê de heye.
Armanca planê
Zelenskîyî gotiye ku armanc ew e ku Rûsya neçar bimîne beşdarî civîna aştîyê bibe û amade be şerî bi dawîyê bîne.
Wî gotiye ku heke plan bê piştgirî kirin, ew dikarin şerî herî dereng sala bê bi dawîyê bikin.
Piştgirîya welatên dî ji bo Rûsyayê
Zelenskîyî bal kişandiye ser piştgirîya Koreya Bakur, Îran û Çînê ku piştgirîyê didin Rûsyayê. Wî gotiye ku Koreya Bakur ne tenê çek, herwiha personel jî ji bo kargehên Rûsyayê û artêşê dabîn kiriye.
Çavkanî: Kyiv Independent, Reuters, Associated Press, Botan Times
