Sazîya Zimanê Kurdî berhema “Rêzimana Kurmancî” derxist.
“Rêzimana Kurmancî” berhema pêşîn ya weşanên SZKyê ye ku ji hêla her du endamên SZKyê Ferhad Mûsayî û Vîyan Hesenî ve hatîye amedekirin.
Weşanên SZKyê li ser hesabên xwe yên medyaya civakî diyar dike ku berhema “Rêzimana Kurmancî” ji şeş beşan pêk tê: dengnasî, morfolojî, ristesazî, watenasî, rastnivîsn û xalbendî.
Ji bo ku pirsgirêkên heyî çareser bibin û arîşeyên zimanî yên perwerdeyê û qadên dîtir safî bibin, pêdivîya Rojavayê ji her demê bêhtir bi standardên rêziman û rastnivîsînê hebû. Loma SZKyê biryar da ku vê berhema li ber destê we amade bike.
Ji pêşgotina Rêzimana Kurmancîyê
Sazîya Zimanê Kurdî, ku navenda wê li bajarê Qamişloyê ye, ji 2019an ve bi xebatên zimannasîyê ra mijûl e.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
