Wergêra xêzeromana ‘Selaheddîn’ çap bû.
Kitêba muşterek ya MARIOLLE, MELI & LOISEAU ji alîyê lêkoler, akademîsyen û wergêr Ergîn Opengîn ve ji fransî hate wergêran bo kurdî.
Xwedîyê weşanxaneya Avestayê Abdullah Keskî li ser Xê da zanîn ku ew dê sala bê 6 an 7 xêzeromanên din çap bikin di bin serenavê/kategorîya PUNG’ê da.
Danasîna Kitêbê
Şexsiyetê efsanewî, fermandarê mezin, kurdê herî naskirî vê carê di xêzeromanekê de bixwînin.
PÛNG: 2
SELAHEDDÎN şexsiyetekî efsanewî ye di dîroka Îslamê de, ku efsaneya xwe jî wî bi xwe hêj di saxiya xwe de ava kiriye. Wek fermandarekî kurd û musulman û xwediyê şarezayiyeke kûr li ser meydana şer, wî jiyana xwe li pey du armancan derbas kir: yekkirina cîhana Îslamê li Rojhilata Navîn di bin desthilata xwe de da ku şerê li dijî Frengan çêtir bi rê ve bibe û derxistina wan ji deverên ku wan li herêmên Sûrî-Filistînê girtibûn. Şerê Hittînê yê sala 1187an mohr li vê xewn û nexşeya Selaheddîn xist û rê vekir ku Qudsê, nêzîkî sedsalek piştî girtina wê ji aliyê Selîbiyan ve, jinûve feth bike.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
