Weşanên Avestayê Ji Bo Fîlmekî Senaryo çap kir

Weşanên Avestayê Ji Bo Fîlmekî Senaryo çap kir
Weşanên Avestayê Ji Bo Fîlmekî Senaryo çap kir
Botan Times

Weşanên Avestayê berhema Ji Bo Fîlmekî Senaryo çap kir û belav kir.

Berhema Ji Bo Fîlmekî Senaryo ji alîyê A. Rahim Kılıç ve hatîye nivîsin.

Ev kitêb berhemeka sînemayê ye ku li ser hunera afirandina senaryoyê hûr dibe. Kitêb bo xwînerên xwe rêya çîrokê ber bi senaryoyê ve dibe.

Nivîsara Berhemê

Dibêjin, “Berê gotin hebû.’’ Îro jî heye û li nav me jî heta tu bêjî xurt e. Bi vê kitêba li ber destê we jî nivîskar hewl dide, me hînî vegotineke nû bike. Hûnera afirandina senaryoyeke  bêkêmasî, dibe ku wekî labîrentekê mistîk, tevlihev û wekî cîhaneke nenas bi heyecan be. Ev kitêb rêberek e ku ji we re bibe alîkar da hûn kesên xwedî gotin  çîroka xwe ya awarte biafirînin. Nivîskar di her beşeke kitêbê de perdeya ser çîrokê radike û çîroka xwîner ber bi perdeya spî ve dibe. Di kitêbê de serpêhatiyên şexsî, şîret û temrînên pîşeyî yên nivîskar hene da ku xwendevan bikaribe hêz û jêhatîbûna xwe bi pêş ve bibe. Pratîk û temrînên bo nivîsandina çîrokê, sazkirina senaryoyê, pêşketina karakter, afirandina diyalogan, xeta vegotinê û hwd. çend mînak in ji van.

“Ji bo Fîlmekî Senaryo” di rewîtiya we de ya ji çîrokekê ber bi senaryoyê ve rêberek e. Bi mînakên balkêş hemû xalên senaryoyê hatine vegotin û bo ku çîroka we bi hemû balkêşiya xwe bixemile, pêdiviyên xwîner radixîne ber çavan. Piştî xwendina vê kitêbê xwîner, bi zimanê fîlmekî dihise û ji bo ku li dû zimanê fîlmê xwe here, baştir bala xwe dide têgehên weke dem, cih, karakter, tevgerên kamerayê û hwd.

Botan Times sitesinden daha fazla şey keşfedin

Okumaya devam etmek ve tüm arşive erişim kazanmak için hemen abone olun.

Okumaya devam et