Qada Newrozê ya Amedê ku şahîdîyê li gelek bûyerên dîrokî kiriye, di Newroza 2023yan da jî mazûvanîyê ji hezaran ra kir.
Newroza îsal ji ya salên borî gelek cudatir bû. Ji bo bîranîna kesên di erdhêjên Mereşê de jiyana xwe ji dest dabûn sehneya Newrozê cara yekem bi reş hatibû xemilandin.
Kesên beşdar jî cil û bergên reş li xwe kiribûn. Hejmara kesên ku bi cilên gelerî tevlî Newrozê bibûn, li gorî salên borî gelekî kêm bûn.
Li qadê coş û govend jî nîn bû. Li şuna govendê Kurdan bi stranan li du qurbanîyên erdhêjê şînê girtin.
Berîya ku agirê newrozê bê pêxistin gelek ciwan kom bûn û cil û bergên xwe ji xwe kirin, avêtin ser agirê newrozê.
Bi sedan kes telefonên xwe ji berikên xwe derxistin û hewildan wê sehneyê qeyd bikin.
Dayikên Kurd ku kes û ser û zer bi serê xwe ve girêdabûn, di destên wan da telefon dixwestin wêneyên agirê newrozê bigrin.
Ciwanan bi kelecanî li dora agirê diçûn û dihatin. Tilîyên xwe bilind dikirin û dixwestin agirê newrozê gur bikin.
Kesên beşdarê newrozê bûn û nêrînên xwe bi me re parve kirin dîyar dikirin ku ew ji bo azadiya xwe li vê qadê ne.
