Wêne-nûçe: Avahiyên dîrokî jî nekaribûn xwe li ber erdhêjê bigrin

Erdhêja 6 Sibatê ya bandorê li 10 bajaran kir, him di warê canî him jî di warê çandî de rê li ber zirareke mezin vekir.

Li Antakya,Mereş Amed, Semsur gelek avahiyên dîrokî jî ji vê zirarê para xwe girtin.

Komeleya Parastina Mîrateya Çandê ya Amedê ji bo tespitkirina wan ziraran beriya cend rojan dest bi kar û xebatan kir.

Komeleyê di navbera 9-11ê Sibatê de li ser Keleha Amedê ziraran di cîh de tespît kir û bi wêneyan ev yek pişt rast kir.

Di wêneyên hatin belavkirin de jî hate dîtîn ku keleh zirareke ciddî dîtiye.

Hinek beşên dîwarên Sûra Amedê hilweşiyan. Hatiye ragihandin ev beşên ku hatine hilweşandin di asta restorekirinê de bûn û di rojê pêşerojê de dihatin restorekirin.

Keleha Amedê xwedî dîrokek 5 hezar salî ye.Di lîsteye Mîrateya Çandî ya Cîhanê de cîh digre û bi dehan şaristaniyan re malovaniyê kiriye.

Bedena Amedê 100 metre li jora Geliyê Çemê Dîcleyê ye û ji keleheke hundir û derve pêk tê.

Di sala 20215an de ji aliyê UNESCOyê ve ketibû listeya divê bê parastin.

Her wîha ne tenê li Amedê li Semsur û Antakyayê jî avahiyên dîrokî hilweşîyan.

Li Adiyamanê stûna destan a li Tumula Karakuşê ya 2 hezar salî ji ber erdhejên navenda Mereşê hilweşiya.

Li Antakyayê jî ku ji ber erdhêjê kevir li ser kevir nema, Dêra Azizler Petrus PAvlus jî ji erdhêjê para xwe girt û hilweşîya.

UNESCO, di derbarê hilweşandina avaniyên dîrokî ku di zirarê dîtine da daxuyaniyeke belavkir.

Di daxuyaniyê de anî ziman ku ew ê envantera cihên dîrokî û çandî derxin û ji bo restorasyonên cihên dîrokî di demeke kurt de dest bi xebatan bikin.