Walîtîya Dêrsîmê nehiştiye 3 komên mûzîkê tevlî Festîvala Mûnzûrê bibin

Walîtîya Dêrsîmê sê komên ku dê beşdarî 21emîn Festîvala Çand û Xwezayê ya Mûnzûrê bibin asteng kirine.

Festîvala îsal tê plankirin ku navbera 3-6ê tebaxê li Dêrsimê bê lidarxistin. Walîtîya Dêrsîmê destûr nedaye ku Grup Yorum, Grup İsyan Ateşi û koma dansê ya ermenîyan Veradardz Folk Grup di bernameyê da cih bigirin.

Şaredariya Dêrsimê jî li ser mijdarê daxuyanîyeka nivîskî weşandiye:

Em ji raya giştî ra radigihînin ku dê Grup Yorum, Grup İsyan Ateşi û Veradardz Folk Grup di bernameya Festîvala Çand û Xwezayê ya Mûnzûrê da cih negirin, lê bernameya mayî ya festîvalê dê li navend û navçeyan bi hemû coşa xwe û bi heman rengê pêk bê.

Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.