Navenda Çandê ya Mezopotamyayê (NÇM) ji bo konsera xwe ya ku di 6ê cotmeha 2021an da ji aliyê Qeymaqamtîya Kadikoyê ve hatibû qedexekirin serî li dadgehê dabû.
Heyeta dadgehê NÇMyê mafdar dît û biryara qeymeqamtîyê betal kir.
Kordînatorê Komeleya Xebatên Medya û Hiqûqê (MLSA)Veysel Ok, ji Ajansa Mezopotamyayê ra biryara dadgehê nirxandiye.
Dadgehê di biryara xwe da dibêje, ‘Huner mafê hemû beşên civakê ye, her kes bêyî ku destûrê bixwaze dikare were ba hev, dikare bicive, dema qeymeqamtî û walîtî biryarên qedexeyan didin hewceye li gorî mafê azadîya xweîfadekirinê û Destûra Bingehîn tevbigerin, tu konser bi awayekî keyfî nayên astengkirin.’
Veysel Ok
Parêzer Okî diyar kir ku bi saya tekoşîna kurdan ji dadgehên Tirkîyeyê encamên wiha derdikevin û got;
Biryara hatiye dayîn ne tenê mûzîk û hunera kurdî eleqedar dike, ev biryar tevahiya hunermendên li welêt eleqedar dike.
Veysel Ok
Çi Bûbû?
Konsera NÇMyê ji aliyê Qeymeqamtîya Kadikoyê ve bi îddîaya, “dibe ku tûndî û proprangaya terorê çêbibê” hatibû qedexekirin.
