Serokwezîrê Kanadayê Justin Trudeau piştî neh salan îstîfa kiriye. Trudeau dê heta ku Partîya Lîberal serokekê nû hilbijêre di karê xwe de bimîne.
Parlemento heta 24ê Adarê dê bêt daxistin
Serokwezîrê 53 salî ragihandiye ku parlemento heta 24ê Adarê dê bêt daxistin. Trudeau got ku nakokîyên di nav partîyê de destûr nadin ku ew di hilbijartinan de serokatîya partîyê bike.
Trumpî gef li Kanadayê xwariye
Kanada di bin gefa aborî ya serokê nû yê Amerîkayê Donald Trump de ye. Trump gotiye ku eger Kanada sînorê xwe ewle neke, dê baca gumrikê ya ji sedî 25 deyne ser Kanadayê.
Freeland jî berê îstîfa kiribû
Wezîra Darayî Chrystia Freelandê di meha Kanûna pêşiyê de îstîfa kiribû. Wê di nameya xwe ya îstîfayê de gotibû ku ne bawer e ka Trudeau gefa Trumpî bi qasî pêwist cidî girtiye.
Hilbijartina pêşwext dibe ku pêk were
Li gor qanûnê divê hilbijartin berîya 20ê Çirîya pêşiyê pêk were. Lê îstîfaya Trudeau dibe ku bibe sedem ku hilbijartin pêşwext bêt lidarxistin. Li gor destûra Partîya Lîberal, piştî îstîfaya serokê giştî pêşbazîya serokatîyê dest pê dike.
Çavkanî: Reuters, Botan Times
sitesinden daha fazla şey keşfedin
Subscribe to get the latest posts sent to your email.
