Studyoya TORÎmayê vîdeoyên têkildarî naverokên zanistî bi kurdî çêdike û belav dike.
TORîma studyoyek e ku ew vîdeo û belgefîlm çêdike û dublaja vîdeoyan bo kurdî dike.
Armanca wan ew e ku bi zimanê zikmakî belgefîlm û naverokên zanistî, felsefî û wêjeyî çêbikin.
TORÎmayê heta niha tenê kurtevîdeo çêkirine.
Yek ji xebatkar û xwedîyê TORÎmayê Umut Arik bo Botan Timesê ragihand ku belkî ew di demên pêş da vîdeoyên dirêj û dublaja filman jî bikin.
Herwiha Arik da zanîn ku digel ku amûrên wan hene jî hêj wan studyoya xwe ava nekirîye û ew li mala xwe dixebitin. Ew dîyar dike ku dê dimên pêş da studyoya xwe ava bikin.
