Parlamenterê Partîya Demokratîk ya Gelan (HDP) yê Wanê Sezaî Temellî twîteke xwe ya ser bûyerên li Parîsê jê bir.

Temellî li ser lînka nûçeyeke rojnameyeke Fransî “Parîs brûle. Parîs dişewite, bila bişewite.” nivîsî.

Piştî çend saetan, Temellî bi twîteke din ragihand ku wî ew twît jê biriye.

”Min twîta xwe ya Parîsê jê bir. Yek caran, meriv nexwaze jî hest dibin sedema girjîyên dîtir. Ez bo qetlîamê pir xemgîn im.” Temellî nivîsî.

Wî dîyar kir ku ew bo protestoyan destekê dide mafên demokratîk.

Bergumanekî 69 salî roja Înê li nêzî Navenda Çanda Kurdî ya Ahmet Kaya êrîşeke çekdarî li dar xisitibû.

Di êrîşê de temamê wan Kurd, 3 kes hatibûn kuştin, 3 kesên din jî birîndar bûbûn.

Komên Kurdan roja Şemîyê li Meydana Le Republic ya Parîsê kom bûbûn, lê di protestoyan de şidetê rû dabû.

Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!