Siyasetmedara kurd Gultan Kişanaka ku ji 2016an vir ve girtî ye, ji bo tev li şîna xwîşka xwe Zeynep Ozerê bibe ji girtîgehê derxistin û anîn Xarpêtê.
Li gor nûçeya Ajansa Mezoptamyayê, Zeynep Ozera xwîşka Gultan Kişanakê ev demek e ji ber nexweşîya gurçikan li nexweşxaneyê dihat dermankirin, duh jiyana xwe ji dest daye.
Kişanak, îro di bin çavdêriya hejmareka zêde ya cendirmeyan da ji Girtîgeha Kandirayê ya Kocaeliyê birin Xarpêtê.
Kişanak, li Cemxaneya Ehlîbeytê beşdarî merasîma cenazeyê xwişka xwe bû.
