Qezayeke li Sirûc ya Rihayê di mabêna şênîyê wir û walîtîya bajêr de minaqeşe çêkirin da.
Li gor çavkanîyên herêmî, li Sirûcê, Îna borî ber bi êvarî motorsîkleteke 2 kes lê siwar bûyî li zarokên li derve dilîstin qelibî.
Di encama qezayê de zarokekî 7 salî mir, zarokekî din û 2 kesên li ser motorsîkletê birîndar bûn.
Îdiayên ser dizîbûna motorsîkletê û cendirmeyên li pey wê ketî rê li ber minaqeşeyên ser qezayê vekirine.
”Di qezayê de pêçîya cendirmeyan heye”
Çend kesên ku dibêjin ew şahidê bûyerê ne, bi şertê ku navên wan eşkere nebin ji Botan Timesê re dîyar dikin ku di qezayê de pêçîya cendirmeyan jî heye.
Ji wan kesan yek dibêje ”Dengê sîlehan hat, em revîyan derve, erebeya cendirmeyan xwe li motorsîkletê xist û motor li ser zarîyan ket.”
Yekî din dibêje ”Li vir nêzîkî 30 kesî hebûn. Herkesî jî dî ku erebeya cendirmeyan xwe li motorsîkletê xist û dûra herkesî bang kir gotin, ‘cendirmeyan zar kuştin, wan bigirin û cendirme tirsîyan.”
Bi ya yekî din jî her çiqas li cîhê bûyerê, li ser Rîya Mizarê, kamerayên mobese hebûne jî heta niha ti qeyd derneketiye ku ew jî raber dike ku cendirme bûye sebeba qezayê.
”Ti eleqeya cendirmeyan bi qezayê re tune”
Walîtîya Rihayê piştî nûçeyên medyaya herêmî û îdiayên di nav milet de ser qezayê daxuyanîyeke nivîskî weşand.
Di daxuyanîyê de tê gotin ku motorsîklet malê dizîyê ye, cendirme bi ferqkirina wê li pey motorsîkletê ketiye û bergumanan jî gava xwestine xwe bi manevrayê xelas bikin li qûçek qûm qelibîne û zarokekî li ber wê qûçê kuştine.
”Ti eleqeya cendirmeyan bi qezayê re tune” Walîtîya Riha dibêje û dide zanîn ku failên bûyerê hatine desteserkirin.
Daxuyanîya Walîtîya Rihayê bo hin Sirûcîyan heta niha jî gumanên ser cendirmeyê ranekiriye. Ew dixwazin ku bi qeydên mobeseyê failên rast werin dîtin.
SS: Amator Kamera – Sirûc
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
