Serokê MHPê 6 roj e bêdeng e: Kes nizane li ku ye?

Serokê MHPê 6 roj e bêdeng e: Kes nizane li ku ye?
Serokê MHPê 6 roj e bêdeng e: Kes nizane li ku ye?
Botan Times

Piştî erdhêja Mereşê ku li 10 bajaran bandor kir, bê dengiya Serokê Partiya Tevgera Netewperest (MHP) Devlet Behçelî bû rojev.

Di vê pêvajoyê de hema bêje ji hemû partiyan, serok û rêveber derketin qadan. 

Lê heta niha nehatiye dîtin ku Bahçelî li cihekî geriyaye.

Serokê MHPê rojek piştî erdhejên 7,7 û 7,6 ên bi navenda Mereşê qewimîn daxuyanîyek da û piştre jî bêdeng ma. 

Wî herî dawî di 7ê Sibatê de tweetek belavkiribû

Dengê Bahçelî herî dawî rojek piştî erdhêja yekem, di 7ê Sibatê de hat bihîstin.

Bahçelî bi parvekirinên xwe yên li ser Twîtterê ragihandina Rewşa Awarte (OHAL) parastibû û ji bo mexdûrên erdhejê sersaxiyê û şîfayê xwestibû.

Her wiha Serokê Giştî yê MHPê ragihandibû ku wî mîlyonek lîre alîkariya AFADê kiriye.

Ji îro pê ve Bahçelî ev 6 roj in bêdengiya xwe diparêze.

Bêdengiya Bahçelî bala bikarînerên medyaya civakî jî kişand.