Di 13ê Çileyê de li bajarê Amedê dê şahiyên “Serê Salê” pêk bên.

Bername ji aliyê Komeleya Çand û Hunerê ya Dîcleyê ve tê saz kirin.

Ciwanên Amedê wê cil û bergên xwe yê rengîn lixwe bikin li nava kolanên Surê bigerin û sersala pîroz bikin.

Dî seatên êvarê de jî dê li Eywana Dawetê ya Avayê pîrozbahiyên girseyî bikin.

1’ê Çileyê li seranserî cîhanê weke sersal tê pîrozkirin.

Lê kurd sersala xwe li gorî salnameya Rûmî pîroz dike.

Li gorî salnameya Mîladî 13 rojan li paş dimîne.

Di sersalê de zilam cil û bergên jinan û jin jî cil û bergên mêran li xwe dikin û digerin.

Di gera xwe de gotina “Serê salê binê salê xwedê zarokekî/ê bide vê malê” li nava kolanan digerin

Ji bo şêniyên malê ji bo sala nû temeniyên xweş û baş dikin. Piraniya temeniyên zarok û ciwanên ku diçin ber deriyê malê li gor rewşa wê malê diguherin.

Eger di wê malê de bûkek nû hebe dibêjin “Serê salê binê salê xwedê kurek bide bûka malê” an jî keçek ezeb hebe dibêjin “Serê salê binê salê xwedê qismetek baş bide keça malê”.

Xwediyên malê jî çi li ber destên wan hebin didin zarok û ciwanan.

Çavkanî /MA/ Wîkîpedîa


Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!