Serdar Canan dê li Amedê konsertekê bide

Hunermend û etnomuzikolog Serdar Canan dê li Amedê konsertekê bide.

Konsert bi hevkarîya Amîdartê tê lidarxistin

Serdar canan, bi rêzekonsertên xwe yên li bajarên cuda yên Japonyayê û bi xebatên xwe yên li ser etnomuzîkolojiyê tê nasîn.

Canan dê bi repertuawereka berfireh li pêşberî guhdarên xwe be ku ew dê stranên wekî Gulnîşan, Nexşê Mîrzo, Henasey Aşiqan û Temê Bakozî, Banê Mizgevtê, Gulê, Gidiyê Xezalê û gelek stranên din yên gelêrî jî bistrê.

Wî heta niha gelek stran, bi şiroveyeka xas û xwemalî ji nû ve gotine û li ser platformên dîjîtal belav kirine. Di heman demê da wî çendîn gotinên stranên gelêrî li herêma Colemêrgê berhev kirine û kirine stran.

Canan, 9ê Adara 2024an roja şemîyê, li Amedê, li Navenda Çandê ya Cahit Sıtkı Tarancı (Avahîya Şanoya Dewletê, Sehneya Koroyê) dê li ser sehneyê li pêşberî hezkirîyên xwe be.

Di konsertê da, Serhat İlim bi pîyanoyê, Nail Sınır bi kontrbastayê, Azad Yılmaz bi percusyonê û Cihad Yıldız jî bi gîtara xwe dê ligel Serdar Canan bin.

Cihên Firotina bilêtan

* Zerzevan Konağı Cafe, Kastal Cafe (Sur)

* Gabo Kitchen (Ofis)

* Ma Music, ZAROK Ma, Ro Mekan

Serdar Canan kî ye?

Sala 1986an li Colemêrgê hatiye dinyayê. Li zanîngeha Mimar Sinanê lîsans û mastera xwe qedandiye û teza xwe ya masterê ya bi navê “Reqsên Gelêrî Yên Gerdîşî Li Colemêrg û Derdora Wê û Taybetmendiyên Wan Yên Mûzîkê” pêşkêş kiriye. Li çendîn bajaran karê berhevkariya dengêbjiyê kiriye. Sala 2019an û ber wekî lîstikvan tevlî projeya operaya Îtalî ya bi navê Toscayê bû. Li vê operayê de wekî bi navê Sagrestano/Zangoç cih girt. Sala 2022yan ji bo projeya “Welat” zanîngeha Kyotoyê ya Japonyayê li gel rojnameger Îrfan Aktan 4 mehan lêkolînên qadê kirin. Di heman demê de li 8 zanîngehên Japonî yên cuda konferans û konser pêk anîn. Li çendîn saziyên kulturî dersên nefes û dîksîyona kurdî dane. Berdewam li ser muzîka kurdî lêkolînan dike û berhevkariyê dike.

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir