Semîha Yildizê xelata 3yemîn kurtefîlmê herî baş standiye

  • 08/11/2021
Semîha Yildizê xelata 3yemîn kurtefîlmê herî baş standiye
Vahdet Uçar Fotoğrafı

Vahdet Uçar

08/11/2021

Xebatkara Botan Internationalê Semîha Yildiz, ku derhêner û çêkera fîlmên anîmasyonan e, bi kurtefîlma xwe ya bi navê Cûdîyê Miradan di Festîvala Fîlmên Kurdî ya Hamburgê de xelat standiye.

12em Festîvala Fîlmên Kurdî ya Hambûrgê wê di 28ê Cotmehê de dest pê kiribû û îsal di festîvalê de 40 fîlm hatin nîşandan ku 4 jê metrajdirêj, 10 belgefîlm, 6 anîmasyon û 23 jî kurtefîlm bûn.

Yek ji wan fîlman ‘Cudîyê Miradan’ bû ku derhêner Semîha Yildizê ev fîlm çêkiriye. Fîlm 30ê Cotmehê hatibû nîşandan. Û fîlmê Semîha Yildizê, Cûdîyê Miradan, xelata 3yemîn kurtefîlmê herî baş standiye.

Saziya amadekar, festîval îsal diyariyî derhênerê Kurd, Rahîm Zahibiyî kiriye ku di 47 saliya xwe de li Îranê ji ber sedemên nediyar hatiye kuştin. Zabihî di sala 1971an de li bajarê Baneyê ji dayîk bûye. 17 fîlmên kurt, metrajdirêj û belgefîlm amade kirine. Gelek xelat wergirtine ku “Hawar” di Festîvala Fîlman a Clermont-Ferrandê de xelata baştirîn fîlmî standiye.

Festîval her weha di bin sernavê “4 parçe yek sînema”yê de pêk hat ku armanc dikir derhêner, lîstikvan û temaşevanên kurd bîne cem hev.

Festîvalê 28ê Cotmehê saet di 18.00ê de bi konsera Pervîn Çakar û Ertan Tekînî destpê kir. Heman şevê fîlmê “Azmûn” ê Şewket Emîn Korkî hate nîşandan
û festîvalê dest pê kir.

Di bernameya festîvalê de her weha wê bi beşdariya derhêner û lîstikvanan gotûbêj pêk hatin û bi nîşandana fîlmê Ferît Karahanî yê bi navê “Okul Traşı” jî bi dawî bû.

%d