Koma şanoya kurdî Şaneşîn Performans dê kargeha şanoyê li dar bixe.
Recep Îçen û Umît Aktaş dê di kargehê da dersên wekî lîstikvanî, dramaturjî û dîroka şanoyê bidin. Herwiha dê çend dersdarên mêvan jî hebin ku dê di kargehê da dersa xwe bidin.
Zimanê kargehê bi kurmancî ye û kargeh dê sê mehan (Rêbendan, Sibat, Adar) berdewam bike.
Ders dê bi awayekî rûbirû, li Mêrdînê, li avahîya Şaneşîn Performansê bêne dayîn.
Piştî ku kargeh qedîya, ligel ew kesên beşdar bûne dê lîstikek bê amadekirin û lîstin.
Kontenjan bi 10 kesan sînorkirî ye û dema dawî ya serlêdanê jî 30.12.2023 ye.
