Koma şanoyê Şaneşîn Performans ji bo zarokan dê dersên Dramaya Afirîner û Wênesazîyê bide.
Zimanê dersan kurdî (kurmancî) ye û ji bo zarokan e (temen 6-12).
Dersdar, lîstikvana Şaneşîn Performansê Sakîne Şalvaci ye. Şalvaciyê beşa kurdî li Zanîngeha Artûklûyê xwendîye. Herwiha, li heman zanîngehê ji beşa Wênesazîyê mezûn bûye.
Ders dê bi awayekî rûbirû, li Mêrdînê, li avahîya Şaneşîn Performansê bêne dayîn.
Şaneşîn Performans
Şaneşîn Performans 9ê Sibata 2022an, li Mêrdînê ji alîyê çend mamosteyên zimanê kurdî û dildarên hunera kurdî ve hatîye avakirin. Heta niha bi navê Penceşêr, Bêcir, Înfaz, Şengê û Pengê û Şêxê Senanî’an pênc lîstik berhem anîne. Ew derketine turneyan û wan li gelek bajaran lîstikên xwe pêşkêş kirine û ew hazirîya du lîstikên nû dikin.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
