Rûsyayê li Ûkraynayê operasyona leşkerî daye destpêkirin

Serokê Dewleta Rûsyayê Putin ragihandiye ku wan li rojhilatê Ûkraynayê, li Donbasê operasyona leşkerî ya taybet dane destpêkirin. 

Piştî ku Rûsya li Donbasê serxwebûna du rêveberiyên xweser nas kir vê sibehê li herêmê leşkerên Rûsyayê dest bi operasyonê kirin. Serokê Dewleta Rûsyayê Vladimir Putin serê sibê zû axaftina bangkirina ji bo netewê kir.

Putin bi bîr xist ku Donbas alîkariya leşkerî dixwaze û wiha got: “Li gorî vê yekê min biryar da ku operasyoneke leşkerî ya taybet organîze bikim. Armanca operasyonê ew e ku kesên ku ev 8 sal in ji aliyê rejîma Kîevê ve rastî destdirêjî û qirkirinê tên bên parastin. Em ê hewl bidin ku kesên ku hejmareke mezin ji tawanên xwînrêj li dijî sivîlan, di nav de hemwelatiyên Federasyona Rûsyayê jî hene, bên dadgehkirin û herwiha em ê Ûkrayna ji Nazîzm û mîlîtarîzmê rizgar bikin.” 

Putîn di axaftina xwe de destnîşan kiriye ku tu armanceka wan a dagirkitinê tune ye.

Piştî axaftina serokê Rûsyayê Putîn hat ragihandin ku li gelek bajarên Ûkraynayê ku paytext Kîev jî di nav de ye dengê teqînan tê. Ji bilî Kîevê, li bajarên Kharkov, Kramatorsk, Mariupol, Mykolaiv û Odessa li pey hev teqîn pêk hatin. 

Çavkanî: Ajansa Mezopotamyayê*